بوگون "جمعه" مملکت جمهور باشلیغی محمداشرف غنی و جمهورلیک ریاستینینگ ایکینچی اورین باسری سروردانش حکومتی بیر هیأت بیلن دایکندینینگ نیلی شهریگه سفر قیلگن. جمهور رییسنینگ بو سفرده قطار پروژهلرنی افتتاح قیلیشی ممکن.
عینحالده، دایکندی ولایتی کینگش اعضالریدن بیرقطارینینگ ایتیشیچه، جمهور باشلیغ غنی تامانیدن افتتاح ایتیلهدیگن پروژهلر تکراری دیر. اوشبو پروژهلرنینگ توزهتیش، طرح و پیشنهادی ملی بیرلیک حکومتیدن آلدین باشلنگن ایدی.
جمهورلیک ریاستی سوزلاوچیسینینگ اروین باسری شاهحسین مرتضوینینگ فیسبوک صفحهسیده یازیشیگه کوره، جمهور رییس بو سفرده 4.5 میلیون دالر ارزشی بولگن سوختوک برق بندی، 13.5 میلیون دالر ارزشی بولگن آفتابی برق و قطار باشقه پروژهلرنی افتتاح قیلهدی.
حکومت سوزلاوچیلریگه کوره، سوختوک برق بندیدن فایدهلنیش بیلن دایکندی برق ترماغیده 700 کیلووات برق کوپهیدی و آفتابی برق هم 140 مینگ عایلهنینگ نیازلرینی اورتهدن ایلتهدی.
دایکندی حاکمینینگ سوزلاوچیسی علیاکبر ناطقینینگ سلاموطندارگه ایتیشیچه، جمهور رییس مذکور پروژهلرنی افتتاح قیلیش چکهسیده دایکندی یشاوچیلری بیلن هم اوچرهشهدی.
دایکندی ولایتی کینگش اعضاسی غیرتعلی جواهرینینگ سلاموطندارگه ایتیشیچه، جمهور رییس، تکراری پروژهلرنی افتتاح قیلگنی اورنیده دایکندینی 1398-ییل کینگیتیریش بودجهسیگه شامل قیلسین و اوشبو ولایت قتناو یوللرینینگ خوفسیزلیگینی تامین قیلسین.
جناب جواهری گه کوره، دایکندی 1398-ییل کینگیتیریش بودجهسیگه شامل ایمس.
اونینگ ایتیشیچه، جمهور رییس غنی حکومتینینگ اداغیگه دایکندیگه سفر قیلگن، اونینگ سفری دایکندی یشاوچیلرینینگ قیینچلیکلرینی حل قیلیش اوچون ایمس، بلکیم سیلاو کمپاینی دیر.
جمهور باشلیغ غنینینگ بوگون "جمعه" شام چاغیده بامیان ولایتیده باریب و اوشبو ولایتده قطار کینگیتریش پروژهلرنی افتتاح قیلیشی ممکن.
