.jpg)
2015- ییل افغانستان یشاوچیلری اوچون آغیر اوتکزیلدی. مذکور ییل کمیده اجتماع، اقتصاد و امنیتی بولیملرده اچینرلی حالتلر ایدی. اولوسواللیکلرنی کیتمهکیت طالبلر قولیده سقوط قیلیشی و اوندن یمان راغی، قندوز ولایتی نینگ سقوطی و مینگدن آرتیق پولیس، اردو و ملی امنیت کوچلری نینگ قانلی عملیاتلرده اولیب یرهلنیشلری، آلدیندن کوره یشاوچیلرنی ایشانچسیز قیلگن.
هرات-کابل قتناو یولیدن کوپلب یولاوچیلر اوغیرلنیشی و بولردن 7 یولاوچی اوغیریلر تامانیدن سویلیشی، اهالی اچیغینی کیلتیریب 20- عقربده جمهور لیک سرایی ایشیگیده اویوشتیریلگن یوکسک ناراضیلیکلر، مملکت یشاوچیلریدن بیرقسمینی کیلگوسی اجتماعی قوزغلانلر تامان تارتدی و باشقه تاماندن هم دولت و ملت ارا آچیق اوزیلیشلر کیلدی.
امنیتی قیینچیلیکلر قوشیمچه ایش سیزلیکلر کوپهیب، اولکهدن ییگیتلر قاچیشی بیلن مملکت اقتصادی چرخی توختهب قالیشگه روپهره بولدی. ایریم ولایتلرده دولتنینگ ایش تاپیش و ایش زمینهسی یرهتیلمهگنلیگیگه قرشی اعتراضلر بولدی. پایخت کابلده ایش سیزلیک قوزغلانی ایجاد ایتیلیب، ملی بیرلیک حکومتینینگ بلاتکلیف وضعیتیده قالدیردیلر.
.jpg)
دیمک؛ 2015 ییلده خوش خبرلرهم آز ایمس ایدی. ریکا یا منطقهیی یاردملیکلر تشکیلاتی اولتیریشی و تاپی لایحهسی شرطنامهسیگه قول قویلیش، مملکت یشاوچیلریدن کوپلب کیلگوسی امیدلرگه قرهتیب تارتدی. کورینشیچه، بونقه اولتیریشلر یشاوچیلر قناعتینی قولگه کیریتیشگه اولگوریشی ممکن ایمس؛ نیگه دیگنده اهالی تیزلیکده حیاتلریده اوزگریش کیلیشنی ایستهگن و مذکور اولتیریشلر اولرنینگ حیاتیگه اوزگریش کیلتیریش اوچون کته امکانیت یرهتالمس دیر.
بو معمالر بیرتامانی اهالیگه خواطر وضعیت کیلتیرگن و بیرتاماندن ایسه کیلگوسی یخشی کونلرده امید کوزی تیکیلگن.
ینگی میلادی ییلده اهالینینگ ییریک ایستهکلری، امنیت تأمین ایتیلیشی و ایش زمینهسی یرهتیلیشی بولگن. آسیایی بنیادینینگ ییللیک فکر اورگهنیشی کورسه تیشیچه، افغانستان بویلب 42.7 فایز امنیت و برقرارلیک و ایش سیزلیک ایسه 31.2 فایز دیب کورسهتیلگن.
شونینگدیک بوگزارشده کیلیشیچه، ینگی میلادی ییلده اهالینینگ عمومی اوزگریش کیلتیریش بارهسیده 74.9 فایز بولگن. بیراق تولیق شکلیده، بوتون افغانستان قیشلاق و شهرلرینی اوزیگه آلهدی؛ اما شهرلرگه قرهگنده کیلگوسی خوش بینلیکلر، قیشلاقلرگه قرهگنده جوده آز کورینهدی.
.jpg)
بیلیم یورت اوقیتوچیسی و اقتصادی تحلیلچی سیفالدین سیحون نینگ ایتیشیچه، دولتی نهادلرده یوکسک فساد بارلیگی، مملکت یشاوچیلریدن کوپلب قشاقلیککه یولیقگنلری و بازارلر توختهتیلیشی بولگن. جناب سیحون نینگ بیلدیریشیچه، افغانستان دولتینینگ ییللیک بودجهسی 7 میلیارد دالر بولگن و بو مقداردن 5 میلیاردی عادی بودجه بولیب، 30 میلیون کیشیلیک بیر مملکتده هیچ دردنی دوا قیلمیدی.
جناب سیحون افغانستان اقتصادینی اوستیریش اوچون یخشی یول مملکت ایکینچیلیگیگه ایشلش دیب بیلهدی و حکومت 2016- ییلده مملکت ایکینچیلیگی اوستیگه ایشلشی لازم دیگن.
شونینگدیک حربی تحلیلچیلر، 2016- ییلنی اوتگن ییلدن کوره یمان راق بولیشی ممکن دیب بیلهدیلر و بهار فصلی باشلهنیشی بیلن طالبلر و داعش گروهی اوتگن ییلدن کوره سیمیز راق بولیب دولتگه قرشی حرکت قیلیشی ممکن. جاوید کوهستانینینگ سلاموطندار بیلن قیلگن صحبتیده ایتیشیچه، هرحالده حاضرگی امنیتی قیینچیلیکلر حل ایتیلمهگن صورتده، 2016-ییل هم امنیتی کوچلر اوچون قانلی بولیشی ممکن.
.jpg)
جناب کوهستانی حربی جهازلر اینیقسه هوایی کوچلرنینگ جهازلنمهگنلیکلری امنیتی ساحهده اساسی قیینچیلیگی دیب بیلهدی و حکومت منطقه مملکتلری بیلن بوبارهده صحبت قیلیب معمالرنی همیشه لیک حل قیلیشی لازم.
اوشندهیکه اوتگن ییل جریانیده امنیتی کوچلردن اهالی آرقهداشلیک کورستگن ایدی، اما بو کوچلر یشاوچیلر امنیتینی تأمینلشگه موفق ایمس ایدیلر.
مملکت تومنلریدن کیتمهکیت سقوط قیلیشی و اوندن مهم راغی قندوز شهری نینگ طالبلر قولیگه 3 کونگه قدر سقوط قیلیشی، مملکت یشاوچیلرینی آلدیندن کوره حکومتنی جنگریلرگه قرشی کورهشیش و شونینگدیک امنیتی کوچلرنینگ مملکت امنیتی تأمین ایتیشلریگه ایشانچ سیز بولدیلر.
