.jpg)
افغانستان کانلر و پترولیم وزیرلیگینینگ سوزلاوچیسی، بدخشان آلتینی و سرپل مس کانلرینی قازیب چیقاریش شرطنامه امضاءلنگنیدن خبر بیرهدی.
بوگون «شنبه» کابلده اوتکزیلگن خبری بیر ییغینده کانلر و پترولیم وزیرلیگی سوزلاوچیسی عبدالقدیر مطفینینگ ایتیشیچه، بدخشان آلتین کانینی قازیب چیقاریش شرطنامه «تُرکِش افغان مایننگ» شرکتی و سرپل ولایتینینگ بلخاب مسینی قازیب چیقاریش شرطنامه «افغان گولدایندمنرالز» شرکتی تاپشیریلگن.
کانلر و پترولیم وزیرلیگی سوزلاوچیسی گه کوره، مذکور کانلرنینگ شرطنامهلری اوتگن کون آمریکاده کانلر و پترولیم وزیرلیگینی سرپرستی نرگس نهان و مالیه وزیرلیگی سرپرستی همایون قیومی نینگ آرهسیده امضاءلنگن.
اوشبو شرطنامهلر امضاءلنیشیدن بیر کون آلدین کابلده خبری بیر ییغین اوتکزگن افغانستان شفافیت ادارهسینینگ مسؤوللری، بدخشان آلتینی و بلخاب مس کانلری قازیب چیقاریلش شرطنامهلرینی قانون گه قرشی دیب و اونی «کانلرنی تالان قیلیش و خلق ارا دسیسه» دیگن ایدیلر.
.jpg)
بیراق، کانلر و پترولیم وزیرلیگی سوزلاوچیسینینگ ایتیشیچه، مذکور ایکی کاننی قازیب چیقاریش کیمآچتی جریانی قانونی و تنیق شکلده یولگه قوییلگن.
گزارشلر اساسیده، بدخشان آلتینی و بلخاب مسینینگ شرطنامه مسودهسی بوندن آلدین، میلادی 2013- ییلده نهایی بولیب و اوندن سونگ، میلادی 2014- ییلده تصدیقلنیشی اوچون وزیرلر کینگشی گه یوباریلگن؛ بیراق ملی بیرلیک حکومتی حاکم بولگنیدن سونگ، اونینگ تصدیقی آرتده قالگن و نتیجهده مذکور مسوده 1395- ییلده اقتصاد عالی کینگشی گه ارایه قیلینیب و بحث اوتکزیلگنیدن کیین لغو ایتیلگن. عین حالده، اوشبو کاننینگ شرطنامه مسودهسی ینگیلیکده نهایی بولگن.
