.jpg)
بلخ ولایتیده "قولمهقول" آتلی قوریلمه تامانیدن اوشبو ولایت نینگ خلم تومنیده 100 دن آرتیق نیازمند عیالگه یومورتقهلی تاووق بیریلدی.
بلخ ولایتیده "قولمهقول" آتلی قوریلمهسی نینگ برنامهلر مسوولی احمدکامران حکمتی نینگ ایتیشیچه، کم بغللیککه قرشی کورهشیش اوچون بو یاردملر صورت تاپگن. اونینگ کوپهیتیریشیچه، کمبغل عیاللر بو یول آرقهلی اقتصادی قیینچیلیکلرینی حل قیله آلهدیلر.
عینحالده، مذکور یاردملردن فایدهلنگن عیاللردن بیرقطاری نینگ ایتیشیچه، بو یاردملر آرقهلی اقتصادی وضعیتلرینی یخشیلنیشی ممکن.
مذکور عیاللردن بیری پروانه نینگ ایتیشیچه، یومورتقه ساتیش بیلن اقتصادی قیینچیلیکلرینی حل قیلهدی.
.jpg)
بلخ ولایتی بوییچه عیاللر ریاستی باشلیغی شهلا حدید نینگ ایتیشیچه، اوشبو یاردملر عیاللرنینگ اقتصادی قیینچیلیکلرنی حل ایتیلیشی خصوصیده ایجابی تاثیر قویهدی.
اونینگ ایتیشیچه، بیرقطار عایلهلرنینگ اقتصادی وضعیتی یمان دیر و مذکور یاردملر اولر قیینچیلیکلرینی حل قیلیش اوچون ایجابی تاثیر قویهدی.
ایتیلیشیچه، اوتگن نیچه ییل جریانیده، کمبغل و نیازمند عیاللر قیینچیلیگینی حل قیلیش اوچون کوپینچه یاردملر صورت تاپگن، بیراق حاضرده هم مملکتده نیازمند عایله رقمی کوپ دیر.
