بدخشان ولایتی بوییچه ایکینچیلیک ریاست مسؤوللری نینگ ایتیشیچه، اوشبو ولایتده اوتگن ییللرگه نسبتن ینغاق محصولاتی اوچ برابرگه آشگن.
اولرگه کوره، اوتگن ییللرده ینغاق محصولاتی ایکی مینگ تُن گه ییتیشگن، بیراق بو میزان جاری ییلده 6 مینگ تُن گه ییتیشگن.
بدخشان ولایتی بوییچه ایکینچیلیک ریاستی نینگ ایکینچیلیک ایشلری آمری نصیراحمد احمدی نینگ سلاموطندارگه ایتیشیچه، سونگی ییللرده ینغاق درختلری اوسدیریلیشی اوچون باغدارلر حکومت تامانیدن حمایت قیلینیب و آلقیشلنیشی و محیط شرایطی مساعد بولگنی باعث، اوتگن ییل گه نسبتن ینغاق محصولاتی اوچ برابر کوپهیگن.
بدخشان باغدارلری نینگ ایتیشیچه، اوتگن ییللرگه نسبتن ینغاق محصولاتی دییرلی شکلده کوپهیگن، بیراق محلی بازارلرده ینغاق بهاسی قویی بولگنی باعث، باغدارلرگه اونچهلیک منفعت ییتکیزمهیدی و بو ینغاق دن کوپلب منفعت نی بدخشاندن تشقری بولگن سوداگرلر آلیشهدی.
ایکینچیلیک ایشلری بوییشچه ایش بیلرمان مشعل نینگ ایتیشیچه، ینغاق بدخشان نینگ اقتصادی ارزشلریدن بیری دیر و بو محصول گه حکومت تامانیدن دقت قیلینیب، اوسدیریلیشی، بستهبندلیگی و بازاری مدیریت قیلینگن صورتده، بو میوه محلی اقتصاد رواجلنیشی گه یاردم بیرهدی.
بدخشان ینغان درختی کوپلب اوسگن ولایتلردن بیری دیر. حاضر بدخشان بازارلریده 7 کیلو ینغاق بهاسی بیر مینگ افغانی گچه ییتیشهدی.
شو توغریده…
