بوگون «یکشنبه» مخدره مادهگه قرشی کورهش وزیرلیگی مسؤوللری و ننگرهار ولایتینینگ رسمیلری آرهسیده 22.5 میلیون دالر ارزشی بولگن قیشلاق ایکینچیلیگینی رواجلنتیریش کیلیشووگه قول قوییلدی.
اوشبو برنامه، مخدره مادهگه قرشی کورهش خلق ارا اداره و امریکا قوشمه ایالتلرینینگ (INL) ناملی ادارهسی تامانیدن مالی حمایه بولهدی و بو کیلیشوو نتیجهسیده، 199500 کیشی ایش بیلن تأمینلنهدی.
مخدره مادهگه قرشی کورهش وزیری سلامت عظیمینینگ ایتیشیچه، اوشبو ریجه ننگرهار ولایتینینگ اچین، چپرهار، رودات، شیرزاد، کوت و خوگیانی تومنلریده عملگه آشیریلهدی.
اوشبو برنامه ایکینچیلیک، پروسس و ایکینچیک محصولاتیگه بازار تاپیش اوچون یولگه قوییلگن و بو برنامهدن مقصد، کوکنار ایکینی آلدی آلینیشی دیر.
مخدره مادهگه قرشی کورهش وزیرلیگی مسؤوللریگه کوره، بو برنامه 2020- ییلگه قدر دوام ایتهدی و اصلی مقصدی ایکینچیلیک محصولاتینی کوپهیتیریش بولگن.
