ایتالیا تشقی ایشلر وزیری پاولوچین تی لونی افغان بلند مرتبهلی رسمیلری بیلن بیتیم گه قول قویدی. بو بیتیم اساسیده مملکتی چشت – هرات و هرات – خواف تیمیر یولی قوریلیشی اوچون 92 میلیون یورو کومک قیلهدی. هرات ولایتینینگ والیسی محمد آصف رحمی بیلن قوشمه مطبوعات انجمنی اوتکزگن ایتالیا تشقی ایشلر وزیری، هرات – خواف تیمیر یولی قوریلیشی افغانستاننی ایران و منطقه مملکتلری بیلن باغلیدی دیگن.
شونینگدیک ایتالیا تشقی ایشلر وزیری، مملکتی هرات خلق ارا قونالغهسی همده بای پس عمومی یولی قوریلیشی اوچون مادی همکارلیک قیلیش اوچون بیرگن وعدهسیگه عمل قیلیشی بارهسیده تاکیدلهگن.
اونینگ سوزلریگه قرهگنده، مملکتینینگ سرمایه یاتقیزوچیلری امنیت، ساغلیق، معارف و مدنیت ساحهلریده کیلهجک ده هرات مخصوص اهمیت گه ایگه بولیشی اوچون امید بیلدیرگنلر.
ییغینده قتنشگن هرات ولایت نینگ والیسی محمد آصف رحیمی، ایتالیانینگ افغانستان خلقیگه همکارلیک قیلیشی کیلهجکده امیدلرنی کوچلنتیره دی دیگن.
ایران برابریده بولگن خلق ارا تحریملر کوتاریلگن لیگینی اقتصادی همکارلیکلر تقویه ایتلیشی اوچون سبب بوله دی دیب، ایتالیا دولتی کورستهجک مالی حسابگه هرات – خواف تیمیر یولی قوریلیشی اولکن اهمیت گه ایگه دیدی جناب رحیمی.
شونینگدیک هرات ولایتینینگ حاکمی، هرات – خواف تیمیر یولی ینه هرات – چشت عمومی یولی اسفالت ایتیلیشی ولایت اهالیسی اوچون مناسب شرایط یرهتیب بیرهدی دیگن.
