افغانستان جمهور رییسی وارسا ییغینی جریانیده آذربایجان جمهور رییسی الهام علیاوف بیلن اوچرهشیب، اوندن، افغانستان ایکینچیلیگی اینیقسه پخته ایشلب چیقاریشده یاردم بیریشنی سورهدی.
اوشبو اولتیریشده، جمهور رییس محمداشرف غنی ایکّی مملکت ایکینچیلیک بولیمیده قوشمه سرمایه یاتقیزگن تقدیرده، افغانستان آذربایجان تجربهلریدن فایده لهنیش اوچون شرایط یره تیلهدی دیگن.
ملاقاتده جمهور رییس نینگ ایتیشیچه، افغانستاننینگ کوپینچه ولایتلری اینیقسه هرات ییرلری پخته ایکیش شرایطی اوچون مناسب و انه شو باعث افغانستان ییلده 250 مینگ تُن پخته ایشلب چیقارهدی.
مذکور اوچرهشووده آذربایجان جمهور رییسی الهام علیاوف، ایکّی مملکت قوشمه اقتصادی همکارلیکلرینی خوش قرشیلب یقینده افغانستانگه اقتصاد مسالهسی بوییچه هیأت یوباریشی بارهسیده وعده بیرگن. پخته ایشلب چیقاریش شرایطی هیات تامانیدن اورگهنیلگندن سونگ، افغانستان بیلن عملده ایش باشلیمیز دیگن جناب الهام وف.
آذربایجان جمهور رییسی نینگ تأکید قیلیشیچه، افغانستان حکومتی کیلیشگن صورتده، پخته ایشلب چیقاریش یانیده، مملکتی نینگ افغانستانده باشقه ساحهلرده سرمایه یاتقیزیشی بیلن مینگلب کیشی ایش جایی بیلن تامین لنهدی.
اوشبو اولتیریشده، جناب علیاوف، افغانستان امنیتی کوچلریگه حربی یاردم بیریشدن خبر بیرگن. شونینگدیک آذربایجان افغانستانده حربی یاردملرینی دوام بیریش وعدهسیگه عمل قیلیب و حربی اوچاقلرنی تیکلش یانیده، اوز اوچاقلریدن بیر قطارینی خدمتی شکلیده افغانستان اختیاریگه قویشگه هم تیار ایکنلیگینی معلوم قیلگن.
