افغانستان شرقی ده جایلشگن نورستان ولایتی چیرایلی و کوکلم بولگنی اوچون سونگی پیتلر سیاحتچیلرنینگ اوزی گه جلب قیلگن.
نورستان یشاوچیلری نینگ اوشبو ولایت گه بولگن دقتی بو ولایت یشش محیط نی سقلش ملی ادارهسی تامانیدن مملکت ده اوچینچی ملی پارک اعلان قیلینگنیدن سونگ کوپهیگن.
نورستان یشاوچیلری، مرکزی حکومت دن تورلی بولیملرده بو ولایت گه دقت قیلیشینی سورهگن.
مذکور ولایت یشاوچیلریدن بیرقطاری نینگ ایتیشیچه، حکومت اوشبو ولایت نینگ قتناو یوللرینی قیته قوریش گه علاوه، ساغلیک، معارف، یشش محیط نی سقلش و باشقه بولیملرده رواجلنتیریش پروژهلرنی عمل گه آشیریشی کیرهک.
واما تومنی یشاوچیسی آرین نورستانی نینگ ایتیشیچه، حکومت نورستان مرکزی پارون ده تیریکچیلیک اوچون قولیلیکلر یرهتگن صورتده، اوشبو ولایت نینگ سیاحتچیلری کوپ بولهدی.
باشقه تاماندن سیاحت اوچون نورستان مرکزی پارون شهری گه کیلگنلردن بیرقطاری، بو شهرده امکانیت آزلیگی دن شکایت قیلیشگن. اولرنینگ ایتیشیچه، حکومت نورستانده اساسی ایشلرنی عمل گه آشیرگن صورتده، بو ولایت مملکت ده درآمد منبعی گه اوزگرهدی.
نورستان یشاوچیلری و سیاحتچیلریدن کوپینچهسی بو ولایت نینگ قتناو یوللری و جادهلری بوزوقلیگی دن شکایت قیلیشهدی.
بیراق، نورستان محلی مسؤوللری نینگ ایتیشیچه، ینگیلیک ده 12 کیلومتر بولگن پارون-اسدآباد جادهسی نینگ بیرینچی بولیمینی قیته قوریش و قیر توکیش ایشی باشلنگن و شونینگدیک، باشقه بولیملری نینگ ایشی هم باشلنهدی.
نورستان حاکمی اورین باسری هاشم فیضی نینگ ایتیشیچه، حکومت نورستان شامل ملی پارک و سقلنگن منطقه صفتیده اعلان قیلینگن تورت ساحه اوچون 30 میلیون دالر اختصاص بیرگن.
افغانستان بوییچه یشش محیط نی سقلش ملی ادارهسی اوتگن آی شرق ده جایلشگن نورستان ولایتی نینگ اورمانلری، شمال ده جایلشگن قندوز ولایتی نینگ امامصاحب تومنی، شمالشرق ده جایلشگن تخار ولایتی نینگ درقد تومنی و جنوب ده جایلشگن غزنی ولایتی نینگ دشتناور منطقهسینی ملی پارک و سقلنگن منطقه صفتیده اعلان قیلدی.
