بوگون «دوشنبه» بگرام تومنینینگ قوشمه یولیدن باشلب پروان ولایتینینگ جبلالسراج تومنیگچه کابل-پروان قتناو یولینینگ ایکینچی خطینی قوریلیش ایشی رسمی شکلده باشلندی.
پروان ولایتی گه بارگن فواید عامه وزیری یما یارینینگ ایتیشیچه، بو جادهنی اوزونلیگی 25.6 کیلومتر و کینگلیگی 10 متردن آرتیق دیر و بو جاده باشقه ایکی ییلگچه حکومت بودجهسیدن بیر یریم میلیارد افغانی گه قوریلهدی.
جناب یارینینگ ایتیشیچه، اوشبو جاده ده تورت کته کوپریک و 150 کوپریکچه هم قوریلهدی. فواید عامه وزیری گه کوره، حکومت پروان ولایتیده حملونقل و آست قوریلمه بولیمیده چمهسی 6 میلیارد افغانی سرمایه یاتقیزهدی.
.jpg)
پروان حاکمی فضلالدین عیارنینگ ایتیشیچه، اوشبو یولده ترافیکی حادثهلر باعث، اهالی گه ییتیشگن مالی زیان و انسانی قربانلیک جهاد و مقاومت دورانیدن آرتیق بولگن. جناب عیار، اوشبو جاده قوریلیشینی شمالی ولایتلرنینگ یشاوچیلرینی قیینچیلیکلری حل ایتیلیشی خصوصیده تأثیرچن دییدی.
کابل-پروان قتناو یولینینگ ایکینچی خطی پروان مرکزی چاریکار شهرینینگ اورتهسیدن اورتهسیده اوتهدی. مذکور ولایت اهالیسی بو جادهنی قوریلیش ایشی باشلنگنده، اهالی اوچون ایش زمینهسی یرهتیلیشی خصوصیده امید بیلدیرهدی.
