افغانستان برق شرکت ادارهسینینگ مسووللری، هلمند ولایتی کجکی سوو توغانینینگ اوچینچی توربینی 60 کونگه قدر قوریلهدی دیگنلر. اوشبو توربین امریکا قوشمه ایالتلرینینگ ترقیات ادارهسی همکارلیگی بیلن قوریلهدی.
برق شرکتینینگ مسووللری، مذکور توربین قوریلیشی بیلن اوشبو توغاننینگ ایشلب چیقارهدیگن برق قوتی 51.5 میگاوتگده کوپهیهدی دیگنلر. شونینگدیک بو بیلن بیرگه هلمند ولایتینینگ باشقه 19 مینگ خلقی برق یاروغلیگی بیلن تامین بولهدی دییلگن.
افغانستان برق شرکتینینگ باشلیغی قدرتالله دلاوری بوگون (سهشنبه) کابلده اوتکزیلگن خبری بیر انجمنده، اوشبو توغانده اوچینچی توربین قوریلیشیدن علاوه باشقه توربینلرهم قیته تیکلنهدی دیگن.
جناب دلاوری سوزلریگه قرهگنده، نابرقرارلیکلر توسیق یرهتمهگن حالده، اوچینچی توربین 60 کونده ایشگه تاپشیریلیشی خصوصیده تاکید قیلگن.
افغانستان برق شرکت ادارهسینینگ رییسی، هلمند ولایتینینگ بعضی منطقهلریده برق پولی قوراللی طالبلر تامانیدن ییغیلهدی دیگن. اونینگ ایتیشیچه، ولایتنینگ جنگری طالبلر ادارهسیده بولگن منطقهلریده بو حرکت تاماندن برق پارچهسی تیارلنگن انه شو پارچه اساسیده اهالیدن برق پولی جمعلیدیلر.
امریکا قوشمه ایالتلرینینگ آستقورمه لایحهلر ادارهسی باشلیغی جیرماکریو، بولر 2013- ییلدن بیری افغانستانده برق بولیمیده 800 میلون اقش دالری سرمایه یاتقیزگن لیکلرینی بیلدیرگن. کجکی توغانینینگ اوچینچی توربینی هم اوشبو اداره تامانیدن قوریلهدی.
کجکی سوو توغانی افغانستاندهگی ییرییک سوو منبعلریدن حسابلنهدی. بو بند سلما سوو توغانیگه کوره ایکّی برابر سوو ذخیره ایتهدی.
مملکت سوو برق وزیرلیگی بوندن 6 هفته آلدین کجکی سوو توغانینینگ ایکینچی لایحهسینینگ دیراین ایشی باشلگن لیگنینی بارهسیده خبر بیرگن ایدی. بو لایحه عملگه آشیریلیشی بیلن اوشبو توغان 151 میگاوات برق ایشلب چیقاریشی کوتیلهدی.
