سلما توغانی آخیرگه کیلیب 42 ییلدن سونگ افغانستان – هند دوستلیک توغانی صفتیده بوگون فایدهلهنیش گه تاپشیریلدی. انه شو مناسبت بیلن بوگون هراتده یولگه قوییلگن ییریک ییغینده اشتراک قیلگن افغانستان رهبری جمهور رییس غنی، سلما توغانی فایده لهنیشگه تاپشیریلیشی بیلن مملکتده سوو توغانلرینی قوریش اوچون بیر باشلهنیش بولدی دیگن.
جمهور رییس غنی، هند بیر قطار ترورچیلرنی تربیهلشگه قرشی دولت صفتیده سونگی نیچه ییلده افغانستانده ییریک لایحهلرنی قوریب بیرگن لیگینی تیلگه آلگن.
هند افغانستاننینگ اوزاق اوتمیشدهگی دوستی ایکن لیگینی اظهار قیلگن جمهور رییس غنی، سلما توغانی رسمی کابل – ینگی دهلی علاقهسی مستحکملهنیشیدن تشقری مملکتده قورغاغچلیکنی ایلدیزدن یوق قیلهدی دیگن. غنی، بو ییریک لایحه مینگلب عیاله اویینی یاروغلیک بیلن تامین قیلیشی اوستیده علیحده تاکید ایتگن.
ییغینده سوزلهگن جمهور رییسغنی هندوستان نینگ باشقه ساحهلردهگی همکارلیگیگه اشاره قیلیب، بو مملکت افغانستانده کته – کیچیک باشقه 200 لایحهنی تطبیق ایتگن لیگینی بیلدیرگن.
شو کبی ییغینده سوزلهگن هندوستان باش وزیری نارندرامودی، بو توغان افغاسنتان اوچون ییریک بیر ترقیات دیب، ایکّی مملکت نینگ تورلی ساحهلردهگی علاقهسی مستحکم له نیشی اوچون ایجابی تاثیری بار دیگن. او، هندوستان نینگ یاردملری بیر نچه ولایتگه چیکلهنیب قالمسلیگی باره سیده وعده بیرگن.
او، مملکتی افغانستانگه بیرگن وعدهسیدن بیر آدیم هم آرتگه قیتملس لیگی توغریسیده ینه بیر مرته تاکید قیلگن.
سلما برق توغانی آچیلیشی مناسبتی بیلن اوتکزیلگن ییغین اوچون خرسندچیلیک بیلدیریب مملکتنینگ بیر قنچه ولایتلریده اهالی بیرهم قیلیدیلر.
سلما یا – ده افغانستان – هند اورتاقلیک توغانی مملکتده عملگه آشیریلگن اولکن لایحهلردن حسابلنهدی. بو بند 80 مینگ جریب ییرنی سوولنتیریشدن علاوه، 42 میگاوات بر ق ایشلب چیقاریش کوچیگه هم ایگه ایکنی تیلگه آلینهدی.
مذکور توغان 1776 کرور هندی/ یا – ده 290 میلیون اقش دالری صرفله نیشی بیلن قوریلدی. مذکور لایحه نینگ بوتون خرجتی هند دولتی تامانیدن تولندی.
سلما توغانی هرات ولایتی نینگ چوشت شریف تومنی نینگ هریرود منطقه سیده جایلشگن. توغان نینگ بنلدلیگی 107 متر اوزونلیگی 550 متر قوریلگن. شونینگ دیک توغان 633 میلیون متر مکعب سوو ذخیره قلیش قابلیتی گه ایگه.
