بوگون کابلده خبری ییغین اوتکزگن افغانستان ینگی بنا قوریش شرکتلر ملی بیرلشمهسی مسؤوللرینینگ ایتیشیچه، ایچکی ایشلر وزیرلیگینینگ 300 دن آرتیق قورمه پروژهسینی یکونلنتیرگن، بیراق مذکور وزیرلیک ایکی ییلدن اولرنینگ پوللرینی بیرمهگن.
اولرگه کوره، ایچکی ایشلر وزیرلیگینینگ بو ایشی سبب، شرکتلردن بیرقطارینینگ فعالیتی توختهتیلگن.
افغانستان ینگی بِنا قوریش شرکتلر ملی بیرلشمهسی باشلیغی محمدداوود طوتاخیلنینگ ایتیشیچه، ایچکی ایشلر وزیرلیگی مذکور بیرلشمهدن 7 میلیارد افغانی دن آرتیق پول قرضدار بولگن و بو پول کیلهجک 10 کون گچه توللنمهگن صورتده، پروژهلرنی ایشی توخته تیلهدی.
.png)
اولرگه کوره، حکومت اولرنینگ ایستکلریگه دقت قیلمهگن صورتده، اولر جادهلرده ناراضیلیک نمایش یولگه قوییب حقلرینی ایستهیدیلر. شونینگدیک، بو حرکت نتیجه بیرمهگن حالده، مذکور بیرلشمه مملکتنی ترک قیلهدی.
صنعت و سوداگرلیک اتاقی اورین باسری خانجان الکوزینینگ ایتیشیچه، حکومت مذکور بیرلشمهنینگ قیینچیلیگی گه دقت قیلمهگن صورتده، بو بیرلشمه هر بیر قرار آلسه اوندن حمایت قیلهدیلر.
