.jpg)
پکتیا ولایتی کینگش اعضالریدن بیرقطاری و یشاوچیلرینینگ ایتیشیچه، گردیز سباستیشنی بیر ییل آلدین جمهور باشلیغ غنی تامانیدن افتتاح ایتیلدی؛ بیراق حاضرگهقدر اوشبو سباستیشننینگ برقینی توزیع ایتیش ایشی باشلنمهگن.
پکتیا ولایتی کینگش اعضاسی تاجمحمد منگلنینگ سلاموطندارگه ایتیشیچه، گردیز برق یتیشتیریش قراردادی 56 میلیون دالر ارزش بیلن بیرییل آلدین امضا ایتیلدی؛ بیراق باشقه اوچ شرکت گه انتقال بیریلیب و حاضرگهقدر هم هیچقندی عملی ایش بولمهگن.
پکتیا یشاوچیلریدن بیرقطاری، حکومتدن تنقید قیلیب و مذکور ولایت محلی رسمیلریدن برق یتیشتیریش ایشینی تیزلیککه باشلهشی نی سورهیدیلر.
.jpg)
بیراق برشنا شرکتینینگ پکتیا دهگی مسوولی محمدآصف نیازینینگ ایتیشیچه، گردیز برقینینگ توزیع ایتیلیشی اوچ شرکت آرهسیده قولمهقول بولگن و انهشو سبب برق یتیشتیریش ایشی باشلنمهگن.
پکتیا صنعت و سوداگرلیک اتاقینینگ مسوولی عبدالنصیر عالمیارنینگ اوشبو وضعیتدن خواطر بیلدیریب ایتیشیچه، برشنا شرکتینینگ مسووللری برق یتیشتیریش خصوصیده بیرگن وعده لریگه عمل قیلمهگن.
حاضرده گردیز شهریده 80 ایشخانه قوریلگن بیراق مذکور ایشخانهلر برق انرژی سیدن فایده لنمهیدی.
