قندوز ولایتی نینگ خانآباد تومنیده سوو تاشقینلر سبب، 2 مینگ جریبدن آرتیق ایکینچیلیک ییر تخریب ایتیلیب و ایکینچیلر بیرقطاری زیان کورگن.
خانآباد تومنیده زیان کورگن ایکینچیلردن بیری گلمحمد نینگ ایتیشیچه، سونگی سوو تاشقینلر سبب، 50 جریب ایکینچیلیک ییری تخریب بولیب بوغدای و سبزوات محصلاتی نابود بولگن.
اونینگ ایتیشیچه، هر ییل ایکینچیلیک آرقهلی مینگلرچه افغانی درآمد قیلهریدی، بیراق جاری ییل ده بوتون محصلاتی نابود بولگن. او، دولت و یاردم بیرووچی نهادلردن ایکینچیلرگه یاردم بیریشلرینی سورهگن.
خانآباد ولسوالی حیاتالله امیری نینگ ایتیشیچه، سوو تاشقینلر باعث، ایکینچیلرنینگ ایکینچیلیک و باغدارلیک محصولاتلری نابود بولگن.
قندوز ولایتی بوییچه ایکینچیلیک ریاستی آمری عبدالمجید نافظ نینگ ایتیشیچه، اوشبو سوو تاشقینلردن سبزوات ایکهدیگن ایکینچیلر کوپراق زیان کورگن.
اونینگ ایتیشیچه، ایکینچیلر وضعیتینی تیکشیریش اوچون بیر هیات خانآباد تومنیده یوباریلگن و بو موضوع بیللی ایتیلگن صورتده، زیان کورگنلرگه یاردم بیریلیشی ممکن.
