افغانستان و هند آرهسیده هوایی دهلیز آچیلگنیدن 11 آی اوتماقده و بو هوایی دهلیز آرقهلی تازه میوه و سبزوات صادر قیلهدیگنلر درامد یوقلیگیدن ناراضیلیک بیلدیرهدیلر.
مذکور صادر قیلووچیلرنینگ سلاموطندارگه ایتیشیچه، صادر ایتیلهدیگن تازه میوهلر و سبزواتلرنینگ حجمی کملیگی کته قیینچیلیکلردن دیر.
تازه میوه سوداگرلری محمدفاروق احمدی و حاجی خوانی، ییر آرقهلی صادراتده سوداگر اوچون هیچ بیر منفعت یوق دیر.
تازه میوهلر و سبزواتلر بیرلشمهسی باشلیغی اخترمحمد احمدینینگ ایتیشیچه، هوا یولی بیلن هند مملکتیگه بولهدیگن صادراتلر نتیجهسی مثبت ایمس و اوشبو یولنی مملکت صادراتی اوچون منفعتلی بیلمهیدی. اونینگ ایتیشیچه، اوچاقده 40 تُن یوک جای بولگن حالده، یالغیز 10 تنی تازه میوه و سبزوات بولهدی. قالگنی باشقه تَوارلر بیلن تولدیریلهدی.
صنعت و سوداگرلیک اتاقینینگ مسووللری، هوایی دهلیزلر آچیلیشینی سوداگرلرنینگ آلقیشلش اوچون منفعتلی دیب بیلهدی، بیراق اولرنینگ ایتیشیچه، بو یول آرقهلی تازه میوهلر کوپ صادر بولمهیدی. شو یوزهدن، تازه میوهلر صادراتینینگ درامدی آز دیر.
صنعت و سوداگرلیگ اتاقی اورین باسری خانجان الکوزینینگ ایتیشیچه، هوا یولی بیلن کوپینچه میوه صادر قیلیش ممکن ایمس دیر. اونینگ ایتیشیچه، میوهلر ییر و دینگیز آرقهلی صادر ایتیلیشی کیرهک.
صنعت و سوداگرلیک اتاقینینگ مسووللری، تازه میوهلر و سبزواتلرنینگ پاکستان یولی بیلن صادر بولیشی نی مملکت منفعتیگه دییدیلر و حکومت دن تیزلیکده مذکور مملکت بیلن ترانزیت بولیمیده بولگن قیینچلیکلرینی حل قیلیشی نی سورهیدیلر.
بیراق صنعت و سوداگرلیگ وزیرلیگینینگ سوزلاوچیسی مسافر قوقندی، هوایی دهلیزلر آچیلیشی نی افغانستان سوداگرلرینینگ منفعتیگه بیلهدی. اونینگ ایتیشیچه، مذکور دهلیزلر، تازه میوه و توار صادر قیلیش مقصدیده سوداگرلرنینگ ایستهگی اساسیده آچیلگن. او صادرات کوپهییشی اوچون بوتون گزینهلر نظرگه توتیلهدی دیدی.
صنعت و سوداگرلیگ وزیرلیگینینگ سوزلاوچیسی گه کوره، حاضرگچه 2 یوز مینگ تُن تازه میوه اوشبو دهلیز یولی بیلن هند و قزاقستانگه صادر بولگن.
عین حالده صنعت و سوداگرلیگ اتاقینینگ مسووللریگه کوره، اوتکن ییلنینگ 9 آیی ده 9 مینگ تُن تازه میوه واگه لیمانی یولی بیلن هند گه صادر بولگن.
کابل- دهلی آرهسیدهگی بیرینچی هوایی دهلیز 1396 ییلنینگ جوزا آیی و کابل – ممبی آرهسیده بولگن ایکینچی دهلیز اوشه ییلنینگ جدی آییده آچیلدی. اوندن سونگ کابل- آلماتا هوایی دهلیزی آچیلگن. اوشه زمانلرده افغانستان- اندونیزیا آرهسیده هوایی دهلیز آچیلیشی گه قرار آلینگن.
