اوشبو ایشخانه مالیه وزیرلیگی سرپرستی، ایکینچیلیک وزیرلیگی اورین باسری، اوزبیکستان ایلچیسی و بلخ محلی مسووللری حضوریده افتتاح ایتیلدی.
مالیه وزیرلیگی سرپرستی عبدالهادی ارغندوال نینگ ایتیشیچه، مذکور ایشخانهده 20 کیشی شغللنهدی و بو ایشخانه 24 ساعت جریانیده 8 تن کیفیتلی یاغ ایشلب چیقارهدی.
بلخ محلی مسووللری نینگ ایتیشیچه، مذکور ایشخانه نیچه ییلدن بویان توختهتیلگن ایدی، بیراق اوزبیکستان همکارلیگی آرقهلی، قیتهدن فعال قیلینگن.
ایکینچیلیک وزیرلیگی اورین باسری حشمتالله غفوری نینگ ایتیشیچه، افغانستان ییلده 5 یوز میلیون دالر ده چیتایللیک مملکتلردن یاغ ساتیب آلهدی و اوشبو ایشخانه فعال ایتیلیشی بیلن مملکتده نیاز بولگن یاغ نینگ 50% افغانستان ایچیده ایشلب چیقاریلهدی.
شونینگدیک، بلخ حاکمی محمداسحق رهگذر نینگ ایتیشیچه، مذکور ایشخانه نینگ قیتهدن فعال ایتیلیشی بیلن مملکت نینگ یاغ بولیمیده بولگن نیازلریدن کته بیر بولیمی تامین ایتیلهدی.
عینحالده، اوزبیکستان ایلچیسی اوز مملکت نینگ افغانستانده بولگن یاردملری دوام تاپیشیدن خبر بیریب ایتیشیچه، افغانستان و اوزبیکستان آرهسیده بیر کیلیشوونامه امضا ایتیلیب و شونینگدیک، قندوز ولایتیده بیر ایشخانه ایجاد ایتیلیشی ممکن.
مذکور ایشخانهده شغللنگن کیشیلردن بیرقطاری نینگ ایتیشیچه، بو ایشخانهده ایشلب چیقاریلهدیگن یاغ کیفیت نقطهنظردن چیتایللیک یاغلردن یخشی دیر و ایچکی محصولاتلردن حمایت قیلیش اوچون یشاوچیلرنی اوشبو یاغ دن فایدهلنیشلری کیرهک.
