افغانستان قیشلاقلرنی رواجلنتیریش وزیرلیگی بیر قنچه خصوصی شرکتلر بیلن 48 لایحه گه قول قوییدی. بو لایحهلر کوپریکچه، کوپریک، فرهنگی مرکزلر، کانکریتی یوللر، استنادی دیوارلر، کانللر و کیچیک سوو توغانلریدن عبارت ایکن لیگی ایتیلهدی. رسمیلر، مذکور پروژهلرنینگ ایشی باشلهنیشی بیلن 300مینگ قیشلاق اهالیسی توغریدن – توغری ایش بیلن شغللنهدی دیگنلر.
وزیرلیک نینگ سوزلاووچیسی جناب رستمی، 1395- ییلده مملکتدهگی موجود امنیتی قیین چیلیکلرگه قرهمی، 11 مینگ ترقیات لایحه تورلی ولایتلرده عملی بولگن لیگینی تیلگه آلگن.
بوگون (یکشنبه) خبری بیر انجمنده گپیرگن جناب رستمی، 413 میلون خرجت کوتاریشی انابتگه آلینگن مذکور 48 لایحه مملکت نینگ 21 ولایتیده تطبیق ایتیلیشینی ایتگن.
بو لایحهلرنینگ مالی خرجتی آسیا ترقیات بانکی، هندوستان دولتی و قیشلاقلرنی رواجلنتیریش وزیرلیگی تامانیدن تولهنیلهدی دیدی وزیرلیک سوزلاووچیسی.
قیشلاقلرنی رواجلنتیریش وزیرلیگی نینگ رسمیلری، عیاللر قابلیتینی آشیریش بو وزیرلیک نینگ اساسی برنامهلریدن حسابلنهدی، شونینگ اوچون هم 68 مینگ خاتین تورلی ولایتلرده دایمی ایش ییرلری بیلن تامین بولگن لر دیگنلر.
مالی ییل باشلهنیشیدن بیری افغانستان قیشلاقلرنی رواجلنتیریش وزیرلیگی 109 ترقیات لایحهگه ایریم خصوصی شرکتلر بیلن امضا چیککن.
