بوگون "سه‌شنبه" کابلده خبری ییغین اوتکزگن صنعت و سوداگرلیک وزیرلیگی رسمیلرینینگ ایتیشیچه، جاری میلادی ییل بیرینچی 8 آیده مملکت صادراتی اوتکن ییلگه قرهگنده 32 فایز کوپه‌یگن.
صنعت و سوداگرلیک وزیرلیگینینگ اورین باسری اجملحمید عبدالرحیمزی، اوتکن 8 آی جریانیده مملکت صادراتی ارزشینی 477 میلیون دالر عنوان قیلهدی. بیراق اوتکن ییل صادراتی ارقامی خصوصیده معلومات بیرمهیدی.
جناب عبدالرحیمزی گه کوره، قالین، تازه و قوریق میوهلر، قیمتی تاشلر و دارویی سبزواتلر مملکتدن صادر ایتیلهدیگن مادهلردن دیر.
عین‌حالده، صنعت و سوداگرلیک وزیرلیگینینگ اورین باسری گه کوره، کیلسی بیر آی ایچیده لاجورد یولی آرقهلی قطار محصولاتلرنینگ اورپا گه یوباریلیشی ممکن. جناب عبدالرحیمزینینگ ایتیشیچه، بیرینچی مرته اوشبو محصولاتلر مذکور یول آرقهلی ترکیه و هالند گه انتقال بیریلهدی.
لاجورد یولینینگ بیش تامانلمه شرطنامهسی اوتکن قویاش ییل (ریکا) اولتیریشینینگ حاشیهسیده افغانستان، ترکمنستان، آذربایجان، گرجستان و ترکیه مملکتلرینینگ نمایندهلری آرهسیده امضا ایتیلدی.
