بوگون «یکشنبه» جمهورلیک ریاستیده جمهور رییس غنینینگ حضوریده برشنا شرکتی، ایکی هندیلیک شرکت و بیر چینیلیک شرکت مسؤوللری آرهسیده بامیان ولایتیگه برق ییتکزیش اوچ پروژه شرطنامه سیگه قول قوییلدی.
برشنا شرکتی باشلیغی امانالله غالبنینگ ایتیشیچه، 43.8 میلیون دالر ارزشی گه دوشی دن بامیان شهری گچه 220 کیلوولت برق ییتکزیش پروژه و 24.1 میلیون دالر ارزشی گه بامیان شهری گه برق ییتکزیش ترماق قوریلیشی هندیلیک شرکتلر آرقهلی عمل گه آشیریلهدی.
برشنا شرکتی باشلیغی گه کوره، بامیان ولایتینینگ دشت اژدر منطقهسیده 11.6 میلیون دالر ارزشی و 32 میگاوات برق ظرفیتیده 20 کیلوولت اوچون 220 سباستیشن قوریلیش شرطنامهسی چینیلیک بیر شرکت بیلن امضاءلنگن.
برشنا شرکتی مسؤوللرینینگ ایتیشیچه، بامیان ولایتیده قوریلهدیگن اوچ برق ییتکزیش پروژه کمیده 80 میلیون دالر خرجت کوترهدی و بو پول آسیا ترقیات بانکی تامانیدن توللنهدی.
مرکزی بامیان ولایتیگه برق ییتکزیش خصوصیده، دوشی-بامیان آرهسیده 220 کیلوولت برق لینینی انتقال بیریش اوچون حکومتنینگ مقابل ریجهسی اوتگن ییل ترکمنستاندن کیلهدیگن 500 کیلوولت برق لینی یا-ده توتاپ یولی بامیاندن سالنگ گه اوزگرگن بیرچاغده بیان ایتیلدی.
