افغانستان – اوزبیکستان تجارتی و اقتصادی ایکینچی قوشمه کمیسیونی نینگ ییغینی مملکت اوچون یوتوقلی بولگن. کمیسیون نینگ موفقیتی توغریسیده ییغین اشتراکچیلریگه معلومات بیرگن افغانستان نمایندهسی، اوزبیکستان رسمیلری افغانستانده سرمایه یاتقیزیش اوچون رغبت کورستگن لیگینی ایتهدیلر.
بوگون اوتکزیگن خبری انجمنده تجارت، عامهمنفعتلر، سوو برق، ساغلیقنی سقلش، ترانسپورت، ایکینچیلیک و سوولنتیریش وزیرلیکلریدن تشکیل ایتیلگن قوشمه کمیسیون افغانستان – اوزبیکستان اقتصادی و تجاری کمیسیونی نینگ ییغینینی یوتوقلی بهالهگنلر.
مملکت جمهور رییسی محمد اشرف غنینینگ آستقورمه لایحهلر اوچون مخصوص نمایندهسی محمد همایون قیومی، افغانستان تیز آرهده اوزبیکستان دولتی بیلن ایکینچیلیک، انرژی، نفت و گاز، کان و تجارت بولیمینی اوز ایچیگه آلهدیگن تجاری و اقتصادی ساحهده بیتم گه قول قویهدی دیگن.
مملکت تجارت و صناعت وزیری همایون رسا، اوزبیکستان دولتی بیلن تجاری شرطنامه امضالنگن حالده، افغانستان تجاری و اقتصادی علاقهسی چین، روسیه و قزاقستان دولتلری بیلن کینگیتیریلهدی دیگن.
حاضرگی کونده افغانستان تَورلری ایران و پاکستان آرقهلی 90 کونده کته خرجت بیلن چین، روسیه و قزاقستانگه ییتکزیله دی دیدی جناب وزیر. لیکن، اوشبو بیتمگه قول قوییلیشی بیلن مملکت تجاری تَورلری کم خرجت بیلن تیز آره ده دنیا مملکتلرگه صادر بولهدی دیگن جناب رسا.
ییغینده سوزلهگن مملکت ایکینچی لیک و سوولنتیریش وزیری اسدالله ضمیر، اوزبیکستان بیلن ایکینچی لیک شرطنامهسی امضالهنیشی مملکتده ایکینچیلیک زمانوی صورتده رواجلنهدی دیگن.
سونگی اون بیش ییل جریانیده اوزبیکستان دولتی افغانستانده میلیون دالر سرمایه یاتقیزدی. لیکن، افغانستان تجارت و صناعت وزیری رسمی کابل – تاشکینت اقتصادی علاقهسی کوتیلگن درجه بولمهگن دیگن.
