بوگون «یکشنبه» تاووقچیلیکنی رواجلنیریش ملی ییغینینینگ بیرینچی کونیده ایکینچیلیک، سوولنتیریش و چارواچیلیک وزیرلیگینی وزیری نصیراحمد درانینینگ ایتیشیچه، مملکتده تاووقچیلیک محصولاتینی قاچاق قیلهدیگن مافیا تشکیلاتلری گه قرشی کورهشهدیلر.
اوشبو ییغینده تاووقچیلیک محصولات ایشلب چیقارهدیگن شرکتلردن بیرقطارینی مسؤوللرینینگ ایتیشیچه، قری تاووقلرنی آلیب کیلیش منع ایتیلگنیدن سونگ، مملکتده پرندهچلیک صناعتی رکود حالتیدن چیقیب و ترقیات گه باشلهگن.
ایکینچیلیک، سوولنتیریش و چارواچیلیک وزیرلیگی، قویاش جاری ییلده افغانستان گه آلیب کیلینهدیگن قری تاووقلر و موزلهگن ییتلرنی منع قیلگن.
شو توغریده…
- افغانستانده ایچکی تاووق وارده و صادرهسی منع ایتیلدی
جوزجانده داعش گروهی «سگرت، ناس و تاووق گوشتی» ساتیلیشینی منع قیلدی
طالبان فرمانی: تاووق گوشتی ییگنلر دارگه تارتیلهدی
تاووق اسرهش فارملر قوریلیشیده سرمایه یاتقزیش میزانی آشماقده
ایکینچیلیک وزیرلیگینینگ مسؤوللری، بو ایشدن مقصد یوقوملی کسللیکلر آلدی آلینیشی و شونینگدیک، مملکت ایچیده تاووقچیلیک صناعتی رواجلنتیریلیشی دیگن.
تاووقچیلیک ملی بیرلشمهسینی دبیرخانه باشلیغی عبدالخلیل رحمانینینگ ایتیشیچه، افغانستان گه ییلده 295 مینگ تُن تاووق ییتی کیرهک و بوندن کمیده 219 مینگ تُنی مملکت ایچیده ایشلب چیقاریلهدی.
