افغانستان نمایندهلر کینگشی، قویاش 1397- مالی ییل اورته بودجه ریجهسی توغریسیده کوپلب بحث اوتکزگنیدن سونگ، اونی کوپینچه آواز بیلن تصدیقلهدی. اوشبو بودجه توپلم شکلده 394 میلیارد افغانیدن آرتیق دیر و اونگه 12 میلیارد افغانی کوپهیتیریلگن.
بیراق، نمایندهلر کینگشی اعضالریدن بیرقطاری، قویاش 1397- مالی ییل اورته بودجه قوشمهسیگه قرشیلیک بیلدیرگن.
نمایندهلر کینگشینینگ مالی و بودجه کمیسیونی اعضاسی محمدعظم محسنینینگ ایتیشیچه، 1397- مالی ییل اورته بودجهسیگه ایریم اوزگریش کیلگن.
محسنینینگ ایتیشیچه، قوشمه 12 میلیارد افغانینی 3 میلیارد و 228 میلیونی رواجلنتیریش بودجهگه و باشقه 9 میلیارد و 361 میلیون افغانی عادی بودجه گه قوشیلگن.
اونگه کوره، قویاش 1397- ییلده سالیق توپلهنیش اوچون تخمین ایتیلگن مقصد، 173 میلیارد افغانی دیر.
بیراق، نمایندهلر کینگشی اعضالریدن بیرقطاری، رواجلنتیریش پروژهلر تینگ سیزلیگیدن خواطر بیلدیریب و نمایندهلر کینگشینینگ مالی و بودجه کمیسیونی تامانیدن نظرگه آلینگن قوشمه گه قرشیلیک بیلدیرگن.
اولرگه کوره، بوتون مملکتنینگ بودجهسینی 30% بلخ ولایتیدن تأمین ایتیلهدی؛ لیکن بو حجتده یالغیز بیر رواجلنتیریش پروژه بلخ اوچون نظرگه آلینگن.
اولرنینگ کوپهیتیریشیچه، معیار تینگ رواجلنتیریش بولیشی کیرهک، توزهتیلگن حجت گه تیگیشلی 92 پروژه عدالت و تینگلیک اساسیده، ولایتلرنی آرهسیده تقسیم بولیشی لازم.
عین حالده، نمایندهلر کینگشینینگ باشلیغی عبدالروف ابراهیمی، نمایندهلر کینگشی اعضالرینینگ ناراضیلیکلرینی ایشیتگنیدن سونگ، قوشمهنی چیقاریب و مالی ییل اورته بودجه ریجهسینی آواز آلیش گه قوییش اوچون قرار قیلدی و نتیجهده 29 سلبی آواز آلیب کوپینچه آواز بیلن تصدیقلندی.
نمایندهلر کینگشی اعضالری هم قویاش 1397- مالی ییل اورته بودجه ریجهسینی تصدیقلب و نمایندهلر کینگشینینگ ایش گزارشینی نشر قیلیب و یاز موسومی تعطیلاتی گه کیتدیلر.
