بوگون «یکشنبه» فواید عامه وزیرلیگی و 2 خصوصی قوریلیش شرکت آرهسیده 2 رواجلنتیریش پروژه شرطنامهسی امضاءلندی.
فواید عامه وزیری یما یارینینگ ایتیشیچه، اوشبو شرطنامهلر اساسیده، تخار ولایتینینگ خواجهبهاوالدین و ینگیقلعه تومنلری آرهسیده 28 کیلومتر جاده اساسی شکلده قوریلهدی.
فواید عامه وزیری گه کوره، مذکور جادهنی قوریلیش ایشی 999 میلیون افغانی خرجت کوتریب و 26 آی جریانیده یکونلنیشی ممکن.
یارینینگ کوپهیتیریشیچه، مذکور جاده قوریلیشی گه قوشیمچه، اوشبو شرطنامهلر اساسیده، قندهار ولایتینینگ شورابک و اسپین بولدک تومنلری آرهسیده هم 23 کیلومتر جاده قوریلهدی و بونی خرجتی 400 میلیون افغانی تخمین ایتیلگن.
عین حالده، شرطنامه گه قول قویگن قوریلیش شرکتلرنینگ مسؤوللری، مذکور پروژهلرنی قوریلیش ایشی تعیین ایتیلگن زمانیده یکونلنیشی توغریسیده سوز بیرگن.
شونینگدیک، تخار و قندهار محلی مسؤوللرینینگ ایتیشیچه، اوشبو پروژهلرنی خوفسیزلیگی تأمینلنیشی خصوصیده، قوریلیش شرکتلرگه یاردم بیرهدیلر.
بونگه قوشیمچه، فواید عامه وزیرلیگی مسؤوللرینینگ ایتیشیچه، اوشبو وزیرلیکنینگ 5 ییللیک برنامهسی کابینه تامانیدن منظور ایتیلگن و بو وزیرلیک برنامهلرنی عملگه آشیریش اوچون تیارگرلیک آلگن.
