نظارت عالی ادارهسی، 1395- مالی ییل بودجهسینی صرفلشده بیفرق یاندهشگن دولت ادارهلری بارهسیدهگی گزارشینی نشر قیلدی. اوشبو گزارشگه قرهگنده، ایچکی ایشلر و مدافعه وزیرلیکلرینینگ کتّه مقداردهگی بودجهسی صرفلنمهی قالگن.
اوزگریش کودتلری، احتیاط و متفرقه، هدف تعیین بولمسدن آلدین پول آلیش، احتیاطی پولدن حددن تشقری فایدهلهنیش، ایریم موردلرده صرفلنگن پوللر بارهسیده حجت یوقلیگی، اجرایی پول ناقانونی روشده بودجهوی بولیملرگه آلیب باریلگنلیگی مذکور ادارهده رویخطگه آلینگن خطالردن حسابلنهدی.
مالی درآمدلرنی تیکشیریش (قطعیه) عالی ادارهسینینگ باشلیغی سیدمحمدمهدی حسینینینگ بوگون معلوم قیلیشیچه، بو ادارهنینگ قولگه کیریتگن گزارشیده حکومت ادارهلری اوتگن ییل بودجهنی صرفلشده ساختهکارلیک قیلگنلر.
جناب حسینی، افغانستان مالیه/ سالیق، تشقی ایشلر، تجارت، ملی امنیت کینگشی، جمهور رییسلیک سرایینینگ ایشلری بوییچه اداره و باشقه قطار ادارهلر خطا قیلگن بولیملردن حسابلنهدی دیدی.
بعضی بیر حساباتلرده مالی حساب درآمدی17% آشگنلیگی معلوم قیلینهدی.
1395-ییل توپلم مالی بودجهسی چمهسی 445 میلیارد دالر بولیب بو مبلغدن 276 میلیاردی عادی بودجه و169 میلیاردی ایسه ترقیات بودجهدن عبارت دیر.
نظارت و تیکشریش ادارهسینینگ باشلیغی محمدشریف شریفی، بو قبیل گزارشلر حکومت اوچون کتّه اهمیتگه ایگه دیدی. جمهور رییس غنی بوتون دولت ادارهلریدن بو خصوصدهگی خطالرنی اصلاح ایتیشنی سورهگن دیدی او.
اساسی قانونگه موافق نظارت و تیکشیریش ادارهسی قولگه کیریتگن حساباتلرینی جمهور رییس و نمایندهلر مجلسیگه تاپشیریشگه مجبور. مجلس ایسه مذکور گزارشنی تیکشیرگندن کیین، خطاگه یول قویگن ادارهلرنی تینگلهگندن سونگ گزارشنی تصدیق یا- ده رد ایتهدی.
