سالیق بیریش قانونیگه قره‌گنده، افغانستان تشقی و ایچکی سیدن درآمد کیلتیره‌دیگنلر باید دولت‌گه سالیق بیرسه ایکن؛ اما کوپلب اولکه اشوله چیلری نینگ ایتیشلریچه، اولر درآمدلریدن سالیق توله‌میدیلر.
«سالیق ثابت کورگیزمه عایدادلری» بویلب 73- ماده سیده کیلیشیچه، تیاتر، فلم کورگیزمه‌سی، رادیو و تیلویزیون، موسیقی یا ایچکی ورزش مسابقه تفریحی خدماتلریدن قولگه کیلتیرگن تکت ساتیش درآمدلریدن 10 فایز سالیق توله‌شی ایتیلگن.
اشوله‌چیلرنینگ بیلدیریشیچه، دولت اولرگه آیلیک تولمه‌گن و اولرده یاردم هم قیلمیدی، اولر ایسه اوز شخصی درآمدلریدن دولت‌گه سالیق بیرمیدیلر.
اولکه اشوله‌چیلردن بیری بریالی ولی نینگ ایتیشیچه، حاضرگه قدر دولت بولردن سالیق آلمه‌گن. جناب ولی‌گه کوره، اشوله‌چیلیک حجتینی پول توله‌شی بیلن آلگن و بو پولنی هم موزیک اورگه تووچی ریاستی آلگن.
باشقه بیر اشوله‌چی جاوید خوشنودنینگ هم ایتیشیچه، اولردن دولت نا ایرکین شکلی‌ده سالیق آله‌دی؛ خوشنودگه کوره، فعالیت حجت‌لرینی پول بیلن آله‌دیلر و بو پول بیر بولیمی شاید سالیق اوچون بولسه.
بیرینچی‌لب اشوله‌چیلرنینگ دولت‌دن شکایت قیلیب ایتیشلریچه، اوتمیشده اولر دولت‌دن آیلیک آلرکنلر، اما حاضرچه اولر اوچون هیچ قنقه امتیاز کوزگه توتیلمه‌گن.
انه شو حالده افغانستان موسیقه اورگه توو بولیمی باشلیغی رسول اِزمری نینگ سلام‌وطندارگه ایتیشیچه، گینه 8 اشوله‌چی و 17 چالغووچی کیشی بو اداره‌ده ثبت بولگن.
مالیه وزیرلیگی هم اشوله‌چیلردن سالیق آلمه‌گن‌لیگی‌نی قبول قیلگن؛ اما مذکور وزیرلیک اشوله‌چیلردن کوپیسی نینگ فعالیت حجتی بولمه‌گن و اولکه اشوله‌چیلریدن انیق سان هم قولده ایمس.
مالیه وزیرلیگی نینگ سوزلاوچی‌سی اجمل‌حمید عبدالرحیم‌زی نینگ ایتیشیچه، اشوله‌چیلر هم باشقه اولکه داشلر کبی دولت‌گه سالیق بیریش اوچون مکلف ایکنلر. جناب عبدالرحیم‌زی نینگ بیلدیریشیچه، دستلبکی اشوله‌چیلر مدنیت و بیلدیریش وزیرلیگی‌گه ثبت بولیب، کیینچه‌لیک مالیه وزیرلیگی‌گه معرفی بوله‌دیلر تا بو وزیرلیک درآمدلریگه قره‌ب سالیق آله‌دی.
باشقه بیرتاماندن تویلریگه اشوله‌چیلرنی چقیره‌دیگنلر ایسه بولردن کوپلب پول آلیشلریدن شاکی دیرلر. اولرگه کوره، اشوله‌چیلرنینگ تویلرده باریشلری باره‌سیده بها تعیین قیله‌دیگن بیرنهاد یوق.
بو شوپیتده بوله‌دی که شو سونگی‌ده جمهور رییس غنی اولکه داشلرنی قول تیلفونلری مصرفیدن 10 فایز مالیه تولشلری باره‌سیده تکلیف بویردی.
