سلاموطندارگه صحبت بیرگن سمنگان ولایتی کینگش اورینباسری محمدهاشم سروری نینگ ایتیشیچه، اوتگن کیچه ناتانیش قوراللی کیشلر ملی جنبش حزبی نینگ ولایتی دفتری باشلیغی و محلی قومندانلردن نظامالدین نینگ باشقه 4 کیشی بیلن اوققه توتگن.
سمنگان ولایتی کینگشی اورین باسری نینگ ایتیشیچه، اوشبو حادثه جناب سمنگانی چاروا ساتیب آلیش اوچون قطار قوراللی کیشیلر بیلن ایبک شهرینینگ تندورک منطقهسیده بارگن چاغیده یوزبیرگن.
اونگه کوره، شونینگدیک ناتانیش قوراللی کیشیلر بیر میل راکت و بیش میل کلاشینکوف نی اوزلری بیلن آلیب کیتگن.
عین حالده، سمنگان پولیس قومندانی محمدجان دریاب ملی جنبش حزبی نینگ ولایتی دفتری باشلیغی اوستیگه بولگن هجوم نی تصدیقلب ایتیشیچه، امنیتی کوچلر اوشبو موضوع نی تیکشیریش اوچون محل ده بارگن.
