افغانستان نماینده‌لر کینگشی نینگ بوگونکی عمومی ییغینیده، نماینده‌لردن بیرقطاری، سیلاو ایرکین کمیسیونی تامانیدن جمهورلیک ریاست سیلاوی نینگ دستلبکی نتیجه‌سی اعلان قیلینگنینی سیلاو قانونی و طرزالعمل‌لری گه قرشی بیلیب و مذکور کمیسیون اعضالرینی ساخته‌کارلیک‌که عیب‌لشگن.
نماینده‌لر کینگشی نینگ اعضالری گه کوره، سیلاو ایرکین کمیسیونی خاص بیر تیم نینگ نفعی گه آواز بیریش زمانیدن تشقری بولگن 300 مینگ آوازنی مرکزی سیستم گه کیریتگن و بو ایش اولرنینگ ایشانچی اساسیده، خاص بیر تیم یا-ده کیشی گه خوش خذمتلیک قیلیشنی کورسته‌دی.
نماینده‌لر کینگشی نینگ اعضالری، سیلاو شکایت‌لرینی تینگلش کمیسیونیدن ناقانونی آوازلرنی سیستم‌دن چیقاریشی‌نی سوره‌گن.
بیراق، نماینده‌لر کینگشی اعضالریدن باشقه بیری نادرخان کتوازی نینگ ایتیشیچه، سیلاو شکایت‌لرینی تینگلش کمیسیونی، سیلاو ایرکین کمیسیونی نینگ ساخته‌کارلیک که عیب‌لنگونگه‌قدر، بو عیب‌لاولرنی کیریتیش‌گه کیم‌سه نینگ حقی یوق دیر.
نماینده‌لر کینگشی باشلیغی میررحمان رحمانی نینگ ایتیشیچه، سیلاو شکایت‌لرینی تینگلش کمیسیونی قانون اساسیده، اعتراضچی نامزدلرنینگ شکایت‌لرینی تیکشیریشی کیره‌ک.
افغانستان جمهورلیک ریاست سیلاوی نینگ دستلبکی نتیجه‌سی اوتگن کون «یکشنبه» سیلاو ایرکین کمیسیونی تامانیدن اعلان قیلیندی؛ بیراق عبدالله عبدالله رهبرلیگی‌ده بولگن برقرارلیک و یقینلیک تیمی و باشقه سیلاو تیم‌لری بو نتیجه‌نی قبول قیلیشمه‌گن.
شو توغریده…
دموکراسی تابوتی‌گه سونگی میخ؛ نبیل: اعلان قیلینگن نتیجه مردم‌سالارلیک‌که قرشی کودتا دیر
