زابل ولایتیده قطار نامزد عیاللرنینگ ایتیشیچه، ناتینچلیکلر باعث اوشبو ولایت تومنلریگه کمپاین قیله آلمه‌یدیلر.
صدیقه جلالینینگ ایتیشیچه، کمپاینلر خصوصیده حکومت همکارلیک قیلمهگن صورتده زابل ولایتینینگ مرکزی قلات شهریده هم کمپاین قیله آلمه‌یدیلر.
شونینگدیک وژمه توخینینگ ایتیشیچه، محدود بولیملر سیلاو کمپاینی اوچون اولر یوزیگه آچیق دیر.
بیراق زابل حاکمینینگ سوزلاوچیسی گلاسلام سیال نینگ ایتیشیچه، نماینده‌لر کینگشی نامزدلرینینگ کمپاینلری اوچون جدی امنیتی تدبیرلر آلینگن. جناب سیال گه کوره، بوتون نامزدلرنینگ جمعی صورتده زابل ولایتینینگ تومنلریگه کمپاین قیلیشلری کیرهک.
زابل ولایتینینگ 10 تومنی بار و بو جملهدن خاکافغان تومنینینگ طالبلر نظارتیگه بولگنی باعث سیلاو پوششدن محروم قالگن. زابل ولایتیده 24 کیشی نماینده‌لر کینگشی سیلاویده نامزد بولگن و بوجملهدن ایکی ایرکک و بیر عیالنینگ اوشبو سیلاوده موفق بولیشی ممکن.
