جمهور رئیس غنی بیر بویروغ صادر قیلیب حکومت رسمیلری و ایشلاوچیلریدن جمهورلیک ریاستی سیلاوی جریانیده اَرهلشمسلیکلرینی سورهگن.
جمهور رئیس سوزلاوچیسینینگ اورین باسری شاه حسین مرتضوی بیر خبری ییغین آرقلی مذکور بویروغ نی اوقیگن.
اوشبو بویروغ گه کیلیشیچه، حکومت نینگ برچه رسمیلری و ایشلاوچیلری سیلاولر جریانیده طرف سیزلیکلرینی سقلهب و احتیاج بولگن صورتده سیلاولر ایرکین کمیسیونی که همکارلیک قیلیشلری کیرهک.
مذکور بویروغ گه خوفسیزلیک کوچلریدن سیلاولر جریانیده جدی شکلده اقدام قیلیب و عیاللرنینگ کینگ شکلده اشتراک ایتیشلری اوچون سیلاولر مرکزیده عیال خدمه تعیین ایتیلیشی سورهلگن.
اوشبو بویروغ اساسیده، خوفسیزلیک کوچلری آواز بیروچیلر، نامزدلر، نظارتچیلر و میدیالرنینگ حقلرینی ایاق آستی قیلمهی و هر قندی تعصب دن واز کیچیشلری کیرهک.
شونینگدیک جمهور رئیس سوزلاوچیسی نینگ ایکینچی اورین باسری سیلاولر قانونی اوزگریشی توغریسیده آرتیق معلومات ارئه قیلدی.
مرتضوی گه کوره، اوشبو قانون نینگ 13- مادهسیده کمیسیون اعضالری نینگ تنلش خصوصیده کیلیشیچه، عدلیه وزیرلیگی گه قید ایتیلگن هر بیر سیاسی حزب بیر کاندید، سیلاولر گه تیگیشلی مدنی جماعه نهادلری شرایط گه ماس بولگن کیشیلردن 15 کیشی نی تانیشتیریب و رویخطی نی جمهورلیک ریاستی گه یوبارهدی.
اونینگ کوپهیتیریشیچه، جمهور رئیس اوشبو رویخط آرهسیدن سیلاولر کمیسیونی اعضالری، سیلاولر شکایتلریگه تینگلش کمیسیون و ایکی کاتبخانه نینگ باشلیغی نی تعیین قیلهدی.
شو توغریده:
- سیلاولر قانونیگه اصلاحات کیریتیش ریجهنی جمهور رئیس امضالهدی
سیلاولر قانونیگه اصلاحات کیریتیلگنده، سیلاولر جریانی اوزگرهدی
اعتراضچی نامزدلر سیلاو تقلبی توغریسیدهگی حجتلرنی جمهور رئیسگه یوبارگن
ایتیلیشیچه، سیلاولرنینگ ینگی قانونی اساسیده، جمهور رئیس اوزی سیلاولر کاندیدی بولگن صورتده، باشقه کاندیدلر تانیشتیریلگن کیشیلرگه بیر آواز بیرهدی و کوپینچه آواز قولگه کیلتیرگن 7 کیشی کمیسیون اعضالری بولیشی ممکن.
ینگی قانون اساسیده جنسیت تینگلیگی مراعات بولیب و کمیده ایکی عیال مذکور کمیسیون نینگ اعضاسی بولیشی کیرهک و کاندیدلر آرهسیده قومی و جنسیتی تینگلیک بولمهگن صورتده، جمهور رئیس کوپینچه آواز قولگه کیلتیرگنلردن باشقه بیریسی نی تنلهیدی.
