افغانستان نمایندهلر کینگشینینگ سیلاوی یولگه قوییلیشی اوچون کمیده باشقه اوچ کون قالگن؛ بیراق تخار ولایتینینگ دشتقلعه تومنینی اهالیسی آواز بیریشدن محروم قالگن.
تخار ولایتیده نمایندهلر کینگشی سیلاوینینگ نامزدی نصرتالله صدیقینینگ سلاموطندارگه ایتیشیچه، نمایندهلر کینگشینینگ سیلاوی یولگه قوییلیشی گه آز مدت قالگن و عینحالده، تخار ولایتیده سیلاولر ایرکین کمیسیونینینگ مسؤوللری، دشتقلعه تومنیده سیلاو یولگه قوییلمهسیدن خبر بیرهدی.
جناب صدیقی گه کوره، دشتقلعه تومنیده کمیده 9 منیگ کیشی سیلاوده اشتراک قیلیش دن محروم قالگن.
دشتقلعه تومنینینگ طالبلر نظارتیگه اوتکن پیتده آواز بیرووچیلرنینگ رویخطکه آلیش کتاب اولر تامانیدن اوتگه تارتیلگنی باعث بو قرار آلینگن.
تخار ولایتیده سیلاولر ایرکین کمیسیونینینگ مسوولی وکیلنوراحمد حنیفینینگ ایتیشیچه، دشتقلعه اهالیسینینگ سرنوشتی اولرگه تیگیشلی ایمس و اولر یالغیز ساخته کارلیککه توسیق بولهدی.
دشتقلعه تومنیده آواز بیرووچیلرنینگ رویخطکه آلیش کتابی طالبلر تامانیدن اوتگه تارتیلگن چاغده، سیلاولر ایرکین کمیسیونی مذکور تومن اهالیسینینگ سیلاوده اشتراک قیلیشلری اوچون بیر یول تاپیشیدن خبر بیرگن ایدی.
تخار مدنی فعاللریدن بیری منیر هدفنینگ ایتیشیچه، سیلاولر ایرکین کمیسیونینینگ ولایتی مسووللرینی، اهالینی سیاسی حقلریدن محروم قیلیشی باعث جزالنتیریلیشی کیرهک.
تخار ولایتینینگ امنیتی مسووللریگه کوره، دشتقلعه تومنیده 11 آواز بیریش مرکزدن یالغیز 6 مرکز فعال و اوشبو مرکزلرگه سیلاو یولگه قویلهدی.
