سیلاولر ایرکین کمیسیونی کمیشنرلریدن بیری مولانا محمد عبدالله، اوز توییتر صحیفهسیده یازیب ایتیشیچه، ایریم دلیللر باعث، اولر جمهورلیک ریاستی سیلاوی اوچون آواز بیرووچیلرنینگ رویخطگه آلیش جریانی خصوصیده، تبلیغ قیله آلمهگنلر.
جناب عبدالله نینگ اوشبو توییتی ده یازیشیچه، آواز بیرووچیلرنینگ رویخطگه آلیش جریانی تبلیغسیز باشلهنیشی، طهارتسیز نمازی کبی دیر.
سیلاولردن نظارت قیلووچی ادارهلر فیفا و تیفا مسؤوللری نینگ ایتیشیچه، ایشسیزلیک، سیلاولرنی تورلی باسقیچی اوچون مشخص بیر برنامه یوقلیگی، ظرفیتسیزلیک، ایشسیزلیک و مدیریتسیزلیک جناب عبدالله تامانیدن اشاره قیلینگن اساسی عامللردن سنلهدی.
افغانستان بوییچه ایرکین و عدالتلی سیلاو مؤسسهسی یا-ده فیفا اجراییه باشلیغی یوسف رشیدنینگ ایتیشیچه، مشخص برنامه یوقلیگی، تشکیلات منسجم بولمهگنی، اویغونسیزلیک و سیلاولر ایرکین کمیسیونیدهگی خودمحورلیک مذکور کمیسیون نینگ تبلیغاتی برنامهلریگه توسیق بولگن.
شونینگدیک، افغانستان بوییچه شفاف سیلاو ادارهسی یا-ده تیفا باشلیغی نعیم ایوبزاده، سیلاولر ایرکین کمیسیونی نینگ ایشی جریانیده بولگن تیزیمسیزلیک عامللری ظرفیتسیزلیک، ایشسیزلیک، سیلاو تجربهسیزلیگی، مدیریتسیزلیک و مملکتده حاکم سیاسی فضا دیب بیلهدی.
سیلاولر ایرکین کمیسیونی سابق باشلیغی گلاجان عبدالبدیع صیادنینگ ایتیشیچه، آواز بیرووچیلرنینگ رویخطگه آلیش جریانی خصوصیده تبلیغاتی برنامهلر یوقلیک دلیللردن بیری، افغانستان دولتی و خلق ارا دونرلر تامانیدن جمهورلیک ریاستی سیلاو بودجهسی وقتیده توللنمهگنی دیر و سیلاولر ایرکین کمیسیونی هم بو موضوع گه نیچه مرته اشاره قیلگن.
شونینگدیک، بو توغریده سیلاولر ایرکین کمیسیونی نینگ فکرینی اورگهنیش اوچون علاقه قوردیک، بیراق تکراری قونغیراقلر نتیجهسیده مؤفق بولمهدیک.
جمهورلیک ریاستی سیلاوی اوچون آواز بیرووچیلرنینگ رویخطگه آلیش جریانی «شنبه» کون، 18- جوزا باشلندی و 8- سرطان گچه دوام ایتهدی.
اوشبو جریان باشلنگنیدن تورت کون اوتماقده، بیراق گزارشلر اساسیده، آواز بیرووچیلرنینگ رویخطگه آلیش مرکزلرده یشاوچیلر حضوری آز کورینهدی.
شو توغریده…
