سیلاولر شکایتلرینی تینگلش کمیسیونی، نمایندهلر کینگشی سیلاوینینگ 7 نامزدینی سونگی رویخطدن چیقارگن.
سیلاولر شکایتلرینی تینگلش کمیسیونینینگ سوزلاوچیسی علیرضا روحانینینگ کابلده بیری خبری ییغین آرقهلی ایتیشیچه، اخرگی پیتلرده اوشبو نامزدلرنینگ آتلری سیلاو رویخطیدن چیقاریلگن و باشقه هیچقندی دوسیه اوشبو کمیسیونگه قالمهگن.
میدانوردک ولایتیدن بولگن روحینا ولیزی وظیفهسیدن استعفا بیرمهگنی، فراه ولایتیدن بولگن عبدالکریم شفق حبسگه محکوم ایتیلگنی، هرات ولایتیدن بولگن حبیبالله غوریانی سابق 10 ییلدن آرتیق حبسکه محکوم ایتیلگنی، هرات ولایتیدن بولگن احمدشاه سادات حسینی ایرانلیک کیملیگی بولگنی، قندوز ولایتیدن بولگن عبدالله ساحل وظیفهسیدن استعفا بیرمهگنی، غور ولایتیدن بولگن غلامنبی ساقی وظیفهسیدن استعفا بیرمهگنی و بلخ ولایتیدن بولگن سمیرا خیرخواه قانونی یاشنی تولدیرمهگنی باعث سونگی رویخطدن چیقاریلگنلر.
شونینگدیک بوندن آلدین نامزدلردن بیرقطاری ایریم دلیللر باعث رویخطدن چیقاریلگنلر.
