خوست حربی کینگشی بیر قرار آرقلی بو ولایتنینگ 12 تومنیدن 8 تومنی امنیتی تهدیدلرگه روپهرو بولیب و شو یوزهدن مذکور ولایتده آوازبیریش مرکزلریدن 27 تهسی یاپیق قالیشی نی اعلام قیلگن.
سپیره، باک، قلندر، موساخیل، نادرشاه کوت، علیشیر، اسماعیلخیل و مندوزی تومنلری خوفسیزلیک تهدیدلر آستیده قرار تاپگن تومنلردن دیر.
مذکور قرار اساسیده، بوگون «شنبه» خوست تومنلرینینگ قطار بویوکلری و یاشلری خبری بیر ییغین اوتکزیب، حربی کینگشینینگ قراری نی سیاسی بیر قرار دیگن.
اولرنینگ ایتیشیچه، اوتمیشلرده «تینچلیک تومنی» گه تانیلگن تومننینگ آواز بیریش مرکزلری باغلنهدی.
خوست یشاوچیلریدن مرک زدران و گل احمدنینگ ایتیشیچه، حربی کینگش نینگ بو قراری خوست خوفسیزلیگی نی سوراق آستیده آلیشی ممکن.
اولرنینگ ایتیشیچه، اوتگن کون «جمعه» موساخیل تومنیده نامزدلردن بیریسی 4 مینگ کیشیلیک بیر ییغین اوتکزدی، بیراق هیچ بیر قیینچلیکدن بولیب اوتدی.
اولرنینگ کوپهیتیریشیچه، نمایندهلر کینگشی نینگ حاضرگی نمایندهلریدن بیریسی نی مذکور مرکزلرنی باغلنیشی گه قولی بار.
خوستده سیلاولر ایرکین کمیسیونینینگ ولایتی دفتری باشلیغی شاهجهان سرداری نینگ ایتیشیچه، سیلاولرنینگ بولیب اوتیشی گه کمیسیون نینگ بوتونلی تیارگرلیگی بار؛ بیراق آوازبیریش مرکزلرنی خوفسیزلیگی تأمین ایتیش، امنیتی کوچلرنینگ مسئولیتی دیر.
خوست پولیسی قومندانی اخترمحمد نوروزی نینگ ایتیشیچه، آوازبیریش مرکزلرنی باغلنیش قراری، حاضرگچه عمل گه آشیریلمهگن.
نوروزی گه کوره، اولرنینگ معلوماتی اساسیده، آواز بیریش مرکزلرنینگ بیر قطاری امنیتی تهدیدلر آستیده قرار تاپگن.
خوست یشاوچیلری و مدنی فعاللری نینگ ایتیشیچه، هیچ بیر تهدید بولمسدن آتی لرینی قید ایتگن مرکزلر، حاضر ناتینچلیک سبب باغلنهدی.
اولرگه کوره، دولتی ادارهلرنی 100 مترلیگیده قرار تاپگن مرکزلرنی هم باغلنیشی ممکن.
خوست مدنی فعاللری نینگ ایشانچیگه کوره، 8 تومن نی ناتینچ دیب و آوازبیریش مرکزلردن 27 تهسینی باغلنیشی، مرکزی حکومتنینگ کوچسیزلیگی نی کورستهدی.
