عبدالله عبدالله رهبرلیگیده بولگن یقینلیک و برقرارلیک سیلاو تیم نظارتچیلری نینگ ادعا قیلیشیچه، اوتگن کیچه اشرف غنی رهبرلیگیده بولگن دولت قورووچی تیم نظارتچیلری، پولیس تشکیلاتی نینگ خاص کوچلری و سیلاو کمیسیونی نینگ ییریک ایشلاوچیلریدن بیری نینگ همکارلیگی بیلن «دیجیتال سنتر» نینگ قفلینی سیندیریب و سیلاوگه عاید ملزمهلر اتاقی گه کیریشگن.
اولرنینگ ایتیشیچه، «28- میزان، یکشنبه کون کیچ قورون» سیلاو کمیسیونی نینگ دبیرخانهسی تامانیدن اعلان قیلینیشیچه، تخنیکی ایشلر بو کیچه توختهتیلگن و دیجیتال سنتر ایشیگی نظارتچیلرنینگ حضوریده قفل بولگن، بیراق ساعت اوتگنیدن سونگ، اتاق نینگ قفلی سیندیریلیب و دولت قورووچی تیم نینگ نظارتچیلری، کمیسیون و پولیس همکارلیگی بیلن مذکور اتاققه کیرگن خبری کیلگن.
یقینلیک و برقرارلیک سیلاو تیمی نینگ نظارتچیلریدن بیری هارون معترف نینگ اوز فیسبوک صحیفهسیده یازیشیچه، یکشنبه کیچه ساعت 11 ده سیلاو ایرکین کمیسیونی تامانیدن اولرگه ییتیشگن خبر اساسیده، پولیس تشکیلاتی نینگ خاص قطعهسی بایومتریک اسکونهلری و نتیجهلر مرکزی بولگن اتاقلرنی آچیب سیلاو ایرکین کمیسیونی نینگ دبیرخانه ادارهسی دولت قورووچی تیم نینگ نظارتچیلری بیلن اویغونلیکده سیلاوگه اساسی ملزمهلرنی تیکشیریب چیقیشگن.
جناب معترف نینگ ایتیشیچه، اوتگن کون کیچ قورون سیلاو ایرکین کمیسیونی ده وضعیت غیرعادی ایدی و بیرقطار کیشیلر کمیسیون گه خودکش هجومچیلر کیرگن شایعهسینی پخش قیلیشدی و نتیجهده سیلاو کمیسیونی نینگ ایشلاوچیلری رخصت بیریلدی.
جناب معترف گه کوره، بو واقعهدن سونگ، سیلاو ایرکین کمیسیونی نینگ دبیرخانه ادارهسی اعلان قیلیب، یکشنبه کیچه آوازلرنی تیکشیریش و پروسس قیلیش ایشی توختهتیلگن و نظارتچیلرنینگ کیتیشلرینی بیلدیردی، لیکن دولت قورووچی تیمی نینگ نظارتچیلریدن بیرقطاری، کمیسیونده قالیشگن.
یقینلیک و برقرارلیک سیلاو تیمی نینگ اوشبو نظارتچیسی گه کوره، کمیسیون نینگ دیجیتال مرکزیده اهالی نینگ آوازی گه قول اوریلگن می یا-ده یوق؟ حاضرگهقدر بو توغریده معلومات قولگه کیریتیلمهگن و بو موضوع تیزلیککه آچیقلنهدی.
عین حالده، اجراییه ریاستی نینگ ایکینچی اورین باسری محمد محقق، اوشبو موضوع گه اعتراض بیلدیریب اوز فیسبوک صحیفهسیده یازیشیچه، سیلاو کمیسیونی نینگ دیجیتال سنتر قفللری سیندیریلیشی اوچون پولیس کوچلری و دولت قورووچی تیمی نینگ نظارتیلرینی سعی و حرکتی یشاوچیلرنینگ تنیق آوازی گه قرشی حربی دربه و سیلاو جریانینی ایشانچسیز قیلیش دیر.
اوشبو موضوع توغریسیده ایچکی ایشلر وزیرلیگی و سیلاو ایرکین کمیسیونی نینگ فکرلرینی اورگنیش اوچون علاقه قوردیک، بیراق کیین مه کیین قونغیراقلر نتیجهسیده مؤفق بولمهدیک.
شو توغریده…
سیلاو نتیجهسی اعلان ایتیلیشی توختهتیلدی؛ حاضرهم تیکشیروولر دوام ایتماقده
