سلاموطندارگه صحبت بیرگن سیلاولر شکایتلرینی تینگلش کمیسیون اعضاسی و سوزلاوچیسی علیرضا روحانینینگ ایتیشیچه، نمایندهلر کینگشی سیلاوینینگ جریانیدن اولرگه 11 مینگدن آرتیق شکایت ییتیشگن.
روحانی گه کوره، سیلاولر شکایتلرینی تینگلش کمیسیونی، شکایتلرنی 3 بولیمگه تقسیم قیلگن و اولویت سیلاو نتیجهسی اوستیگه تأثیر قویهدیگن شکایتلرگه بیریلگن.
روحانینینگ ایتیشیچه، سیلاو نتیجهسی اوستیگه ایرکین شکلده تأثیر قیلمهیدیگن شکایتلر ایکینچی و اوچینچی دستهلرده توختهگن.
دیمک، نمایندهلر کینگشی سیلاوینینگ جریانیده رویخطگه آلینگن شکایتلرنی تیکشیریش ایشی باشلنگن؛ بیراق بو شکایتلردن قنچهسی تیکشیریلگنی حاضرگچه بیللی ایمس دیر.
سیلاولر ایرکین کمیسیونینینگ مسؤوللری تامانیدن بیریلگن معلومات اساسیده، ولایتلرده اوتکزیلگن نمایندهلر کینگشی سیلاوینینگ دستلبکی نتیجهسی 2- قوسده و کابلده ایسه 8 کون کیچیکتیریلیب 10- قوسده اعلان قیلینهدی.
