سیلاو شکایتلرینی تینگلش ایرکین کمیسیون مسؤوللری نینگ ایتیشیچه، حاضرگهقدر بو کمیسیون گه 4528 شکایت ییتیشگن.
بوگون «چهارشنبه» کابلده خبری بیر ییغین اوتکزگن سیلاو شکایتلرینی تینگلش کمیسیون اعضاسی دینمحمد عظیمی نینگ ایتیشیچه، اولرگه 34 ولایتدن جمهورلیک ریاست سیلاوی گه عاید 4528 شکایت ییتیشگن.
اونگه کوره، بو آرهدن 4362 شکایت تیکشیریلگن و باشقه 66 شکایت تیکشیریلماقده دیر.
کمیسیون نینگ اوشبو اعضاسی نی کوپهیتیریشیچه، 1780 شکایت حجتی تکمیل بولمهگنی باعث، رد ایتیلگن.
جناب عظیمی نینگ ایتیشیچه، 1817 آواز بیریش محل نینگ آوازی شکایت قیلینگنی باعث، قیتهدن سنلهدی. اونینگ کوپهیتیریشیچه، باشقه 77 مرکز ایچکی ایشلر وزیرلیگی و سیلاو کمیسیونی نینگ گزارشی اساسیده، باغلهنیب و بیکار قیلینگن.
سیلاو شکایتلرینی تینگلش کمیسیونی نینگ اوشبو اعضاسی گه کوره، حکومت رسمیلری و عادی کیشیلر شامل 54 کیشی سیلاو کمپاینلری و سیلاوگه جهت بیرگنلری باعث، نقدی جریمه بولیشگن.
اوشبو ییغینده سیلاو شکایتلرینی تینگلش کمیسیونی نینگ باشقه بیر اعضاسی محمدقاسم الیاسی نینگ ایتیشیچه، اولرگه ییتیشگن 4528 شکایت آرهسیدن 623 شکایت مرکزده و باشقه 3909 شکایت مذکور کمیسیون نینگ ولایتی دفترلریده رویخطگه آلینگن.
جناب الیاسی نینگ کوپهیتیریشیچه، شکایتلرنی رویخطگه بیرگن کیشیلر و شکایتلرنینگ مخاطبی بولگن کیشیلر استیناف طلبلیککه حقلی دیر.
سیلاو قانونی اساسیده، سیلاو شکایتلرینی تینگلش کمیسیونی، سیلاودن کیین 37 کونگهقدر رویخطگه آلینگن شکایتلرنی تیکشیریشی کیرهک.
شو توغریده…
سیلاو کمیسیونی: بوگون یکونلنگونگهقدر بوتون آوازلر سیستم گه کیریتیلهدی
