بوگون "شنبه" نمایندهلر کینگشی نینگ اعتراضچی نامزدلریدن بیرقطاری عالی محکمه برابریده تحصن قیلگنلر. اولرنینگ آگاهلنتیریشیچه، حکومت و عالی محکمه اولرنینگ قانونی ایستکلریگه دقت قیلمهگن صورتده، کیملیکلرینی اوت بیرهدیلر.
اعتراضچی نامزدلرنینگ ایتیشیچه، نمایندهلر کینگشی نینگ حاضرگی اعضالریدن کوپ قطاری شخصی رابطهلر اساسیده بو کینگشگه یول تاپگنلر.
اعتراضچی نامزدلردن بیری فرزانه فرهمند نینگ ایتیشیچه، عالی محکمه اولر ایستکلریگه دقت قیلمهگن صورتده، سونگی مرحلهگه عالی محکمه برابریده اوزلرینی اوت بیرهدیلر.
نمایندهلر کینگشی سیلاوی اوتگن ییل 28 و 29 میزان یولگه قوییلدی؛ بیراق نهایی نتیجه اعلان ایتیلگنی خصوصیده بولگن اعتراضلر حاضرگچه یکونلنمهگن.
