بوگون "پنجشنبه" سیلاو ایرکین کمیسیونی اعضاسی مولانا عبدالله نینگ کابلده بیرخبری ییغین آرقهلی ایتیشیچه، درمالوگ شرکتی حاضرگهقدر معیارگه قرشی 47 مینگ آوازنی تانیب گزارشنی سیلاو ایرکین کمیسیونیگه یوبارگن.
جناب عبدالله گه کوره، آواز بیرووچیلردن 47 مینگ تهسینینگ آوازلری مشابه صورت بیلن استعمال بولیب و معیارگه قرشی دیر.
جناب مولانا نینگ ایتیشیچه، درمالوگ شرکتی معیارگه قرشی بولگن باشقه بیرقطار آوازلرنینگ گزارشینی بوگون آقشام گهقدر سیلاو ایرکین کمیسیونی اختیاریگه قویهدی.
بایومتریک ایتیلگن آوازلرنینگ تازهلنیب و گزارشی جاری هفته "شنبه" کونگهقدر درمالوگ شرکتی تامانیدن سیلاو ایرکین کمیسیونیگه یوباریلیشی خصوصیده قرار قیلینگن ایدی، بیراق اوشبو گزارش حاضرگهقدر کامل صورتده، سیلاو ایرکین کمیسیونی اختیاریگه قوییلمهگن.
