جمهورلیک ریاست سیلاوی نینگ نامزدلر کینگشی نینگ ایتیشیچه، سیلاوده ساختهکارلیک بولگن و سیلاو نتیجهسی اعلان ایتیلگنده، بو کینگش اوچون قبول قیلینمس دیر.
جمهورلیک ریاست سیلاوی نینگ نامزدلریدن بیری احمدولی مسعودنینگ ایتیشیچه، سیلاودن آلدین جمهور رئیس، یوناما و دنیا جماعهچیلیگی گه سرپرست بیر حکومت ایجاد ایتیلیشی خصوصیده تکلیف قیلینگن ایدی، بیراق بو تکلیف قبول قیلینمهدی.
جناب مسعود، حکومت و سیلاو کمیسیونی نینگ پیشتاز نامزدلرنینگ نفعی گه فعالیت قیلیش گه عیبلب ایتیشیچه، سیلاو کمیسیونی نینگ ایشلاوچیلریدن بیرقطاری، پول بدلیده خاص نامزدلر اوچون فعالیت قیلیشهدی.
شونینگدیک، نامزدلردن باشقه بیری شهاب حکیمی، سیلاو نتیجهسی قبول قیلینمهسی اوستیگه تأکیدلب ایتیشیچه، سیلاو و تینچلیک جریانی مدیریت قیلینیشی اوچون باشقه حکومت ایجاد ایتیلیشی کیرهک.
جناب حکیمی نینگ کوپهیتیریشیچه، مینگلرچه بایومتریک اسکونهسی یوقالگن، بایومتریک نینگ کدلری اوزگرتیریلگن و باشقه نامزدلرنینگ آوازلری صندوقلردن چیقاریلیب و پیشتاز نامزدلرنینگ نفعی گه فایدهلنگن.
اونگه کوره، نامزدلر کینگشی ینگی بیر لایحه اوستیگه ایش قیلهدی.
بیراق، سیلاو ایرکین کمیسیونی نینگ سوزلاوچیسی اورین باسری علی افتخاری، جمهورلیک ریاست سیلاوی نینگ نامزدلر کینگشی نی عیبلاولرینی رد قیلیب ایتیشیچه، سیلاو ایرکین کمیسیونی نینگ ایشلاوچیلری خاص بیر نامزدگه ایمس، بلکیم مملکت اهالیسی اوچون ایشلهیدیلر.
شونینگدیک، جناب افتخاری بایومتریک کدلری نینگ باری اوزگرتیریلگنینی رد قیلهدی و نامزدلردن آوازلرنینگ قیته سنهش جریانیدن نظارت قیلیش اوچون نظارتچیلری نینگ یوباریشلرینی سورهگن.
اوشبو موضوعلر بیان ایتیلگن بیرچاغده، نیچه کوندن بویان آوازلرنینگ قیته سنهش جریانی باشلنگن و سیلاو ایرکین کمیسیونی نینگ مسؤوللری گه کوره، آوازلرنینگ قیته سنهش جریانی 7 ولایتده نامزدلردن بیرقطاری نینگ طرفدارلری تامانیدن توختهتیلگن.
سیلاو ایرکین کمیسیونی نینگ مسؤوللری تامانیدن بیریلگن معلومات اساسیده، جمهورلیک ریاست سیلاوی نینگ دستلبکی نتیجهسی کیلهجک هفته اعلان ایتیلهدی.
شو توغریده…
نامزدلر کینگشی: کمیسیون قیته سنهش اورنی گه قیینچیلیکلرنی حل قیلسین
