بوگون "پنجشنبه" کابلده خبری ییغین اوتکزگن افغانستان بوییچه ایرکین و عدالتلی سیلاو بنیادی یا-ده فیفا باشلیغی یوسف رشید نینگ ایتیشیچه، سیلاو قیینچیلیکلرینی حل قیلیش اوچون سیلاو شکایتلرینی تینگلش کمیسیونی قانونی صلاحیتلریدن فایدهلنمهیدی و شکایتلرنی رویخط گه آلهدیگن ادارهگه اوزگرگن.
جناب رشیدگه کوره، سیلاو شکایتلرینی تینگلش کمیسیونی جدی شکلده فعالیت قیلمهیدی.
جناب رشیدنینگ ایتیشیچه، سیلاو شکایتلرینی تینگلش کمیسیونینینگ جمهورلیک ریاستی نامزدلریگه قناعت بیریب و سیلاو دستلبکی نیتجهسینی اعلان قیلینیشی اوچون زمینه یرهتیشی کیرهک.
فیفا باشلیغی نینگ کوپهیتیریشیچه، جمهورلیک ریاستی سیلاو نینگ دستلبکی نتیجهسی اعلان ایتیلمهگنی سیلاو لایحهسیگه زیان ییتیشتیرگن
فیفا باشلیغی نینگ کوپهیتیریشیچه، سیلاو قیینچیلیکلرینی حل قیلیش اوچون جنجلی آوازلرنینگ تیکشیریلیشی منطقلی یول دیر.
بیراق، سیلاو شکایتلرینی تینگلش کمیسیونی سوزلاوچیسینینگ اورین باسری محمدرضا فیاض نینگ سلاموطندارگه ایتیشیچه، سیلاو قیینچیلیکلرینی حل قیلیش اوچون سیلاو لایحهسیگه دخیل بولگن نهادلر بیلن بیر مصلحتی ییغین یولگه قوییلهدی.
جناب فیاضگه کوره، سیلاو قیینچیلیکلرینی حل قیلیش اوچون سوزلشوولر اساسی یول دیر.
بوندن آلدین سیلاو ایرکین کمیسیونی، سیلاو قیینچیلیکلرینی حل قیلیش اوچون دخیل بولگن نهادلر و جمهورلیک ریاستی نامزدلرینینگ نمایندهلری بیلن بیر ییغین یولگه قویگن ایدی، بیراق اوشبو ییغین نتیجه بیرمهگن و حاضرده سیلاو شکایتلرینی تینگلش کمیسیونی سیلاو قیینچیلیکلریگه نقطه قویش اوچون ییغین یولگه قویش قرارینی قیلگن.
