سیلاودن نظارت قیلووچی ادارهلر، احتیاطی یا-ده آرتیقچه آواز بیریش ورقلر چاپ ایتیلگنیدن خواطر بیلدیریب ایتیشیچه، بو ایش سیلاو شفافیتینی سوراققه دوچ قیلهدی.
سلاموطندارگه صحبت بیرگن سیلاودن نظارت قیلووچی ایکی اداره فیفا و تیفا مسؤوللری، سیلاو ایرکین کمیسیونی احتیاطی آواز بریش ورقلرنی تیکشیرووسیز چاپ قیلگن. فیفا و تیفا مسؤوللری نینگ ایتیشیچه، بو ورقلر آواز بیرووچیلرنینگ رویخطی گه قرهگنده، کیرهکلی اندازه دن تشقری چاپ ایتیلگن.
افغانستان بوییچه ایرکین و عدالتلی سیلاو بنیادی یا-ده فیفا باشلیغی یوسف رشید، جمهورلیک ریاست سیلاویده احتیاطی آواز بیریش ورقلر چاپ ایتیلگنینی ناتوغری دیب بیلهدی.
شونینگدیک، افغانستان بوییچه شفاف سیلاوی بنیادی یا-ده تیفا اعضاسی صغرا سعادت نینگ ایتیشیچه، 9 میلیون دن آرتیق آواز بیرووچی اوچون 11 میلیون آواز بیریش ورق چاپ قیلینیشی جمهورلیک ریاست سیلاوی نینگ شفافیتی نی سوراققه دوچ قیلهدی.
بیراق، سیلاو ایرکین کمیسیونی سوزلاوچیسی عزیز ابراهیمی نینگ ایتیشیچه، احتیاطی ورقلر آواز بیرووچیلرنینگ رویخطی اساسیده، چاپ قیلینگن.
اونگه کوره، مملکت یشاوچیلریدن 9 میلیون و 6 یوز مینگ کیشی آواز بیریش شرایطی گه ماس دیر و اونگه اساس، کمیسیون برچه آواز بیریش ورقلرنی نشر قیلگن و اونگه علاوه، 5% آواز بیریش ورق احتیاطی شکلده چاپ ایتیلگن.
سیلاو ایرکین کمیسیونی مسؤوللری نینگ ایتیشیچه، احتیاطی آواز بیریش ورقلردن، آواز بیریش ورقلر کویگن یا-ده بیران موضوع سبب بیکار قیلینگنده، فایدهلنهدی.
میدیالر تامانیدن ترقهتیلگن گزارشلر اساسیده، مملکت ده آواز بیریش شرایطی گه ماس 9 میلیون و 645 مینگ و 283 دن آرتیق کیشی جمهورلیک ریاست سیلاویده قتنهشی اوچون رویخطگه آلینگن.
شو توغریده…
سیلاو کمیسیونی صورت چیکیشگه رخصت بیرمهگن عیاللربیلن نیمه قیلهدی؟
