ارزگان ولایتیده سیلاولر ایرکین کمیسیونینینگ ساحوی دفتری مسؤولی نجیبالله حقپرستنینگ سلاموطندارگه ایتیشیچه، مذکور ولایتنینگ شهیدحساس و ارزگانخاص تومنلریده ناتینچلیک باعث، هیچ بیر کیملیککه استیکر اوریلمهگن و مذکور تومنلرنینگ اهالیسی سیلاوده اشتراک قیلهآلمهیدیلر.
حقپرست گه کوره، مذکور ولایتنینگ ترینکوت، چنارتو، چوره، گیزاب و دهراود تومنلرینینگ اهالیسیدن کوپینچهسینی کیملیکلریگه استیکر اوریلگن و اولر سیلاوده اشتراک قیله آلهدیلر.
ارزگان ولایتیده سیلاولر ایرکین کمیسیونینینگ ساحوی دفتری مسؤولینینگ ایتیشیچه، سیلاو کونیده مذکور ولایتده 29 آواز بیریش مرکز فعال بولیشی ممکن و اوشبو ولایتنینگ اهالیسی بو مرکزلرگه کیلیب ایستهگن نامزدلریگه آواز بیریشلری کیرهک.
بیراق، ارزگانخاص و شهیدحساس تومنلرینینگ اهالیسیدن بیرقطاری، حکومت و سیلاولر ایرکین کمیسیونیدن اولر اوچون آواز بیریش زمینهسی یرهتیلیشینی سورهیدی.
مذکور تومنلرنی یشاوچیلرینینگ ایتیشیچه، اولر هم مملکتنینگ باشقه یشاوچیلری کبی ایستهگن نامزدلریگه آواز بیریشنی ایستهیدیلر.
نمایندهلر کینگشیده ارزگان ولایتینینگ سهمیهسی 3 چوکی دیر و بو جملهدن 2 تهسی ایرککلرگه و بیرتهسی عیاللرگه تیگیشلی بولهدی. اوشبو چوکیلرنی قولگه کیریتیش اوچون 16 ایرکک و 9 عیال نامزد بولگن.
