افغانستان جمهورلیک ریاست سیلاوی نینگ نامزدلری جمهور رئیس محمداشرف غنی و ملی بیرلیک حکومت اجراییه باشلیغی عبدالله عبدالله، بوگون «شنبه، 6- میزان» ایرتهلب آواز بیریش مرکزلریگه باریب آواز بیریشگن.
جناب غنی کابل شهریده جایلشگن امانی مکتبی گه باریب و عبدالله عبدالله نادریه مکتبی گه باریب آواز بیریشگن.
محمداشرف غنی آواز بیرگنیدن سونگ، قیسقچه بیرگن نطق سوزیده سیلاونی جمهوریت توزومی سقلهنیشی و دوامی توغریسیده اونملی بیلیب ایتیشیچه، سیلاو بودجهسی نینگ کته قسمینی دولت توللگن.
جناب غنی بو کوننی تأریخی بیر کون بیلیب و افغانستان جمهورلیک ریاست سیلاویدن خلق ارا نظارتچیلری نظارت قیلیشینی سورهگن.
جمهور رئیس غنی نینگ اورغولشیچه، بو سیلاوده هرقندهی ساختهکارلیک و بوزمهچیلیک قبول قیلینمهی و جنایت سنلهدی.
جناب غنی ساختهکارلیکنی جزالی جنایت بیلیب و اهالی دن ساختهکارلیککه توسیق بولیشلرینی سورهگن. جمهور رئیس غنی گه کوره، 1398- سیلاوی ملی بیرلیک دوامی گه اوزگرگن.
اونینگ ایتیشیچه، سیلاو کمیسیونلری نینگ اعضالری، جمهورلیک ریاست سیلاوی نینگ نامزدلری تامانیدن تعیین ایتیلگن و حکومت بو خصوصده ارهلشمهگن. جناب غنی، تینچلیک جریانی گه اشاره قیلیب و بو جریاننی افغانستان اهالیسی اوچون اونملی بیلهدی.
شونینگدیک ملی بیرلیک حکومت اجرایی باشلیغی عبدالله عبدالله آواز بیریش چاغیده طالبان گه خطاب ایتیشیچه، گناهسیز اهالینی تهدیدلش اوشبو گروهی نینگ کوچی نی اثباتلمهیدی.
اونگه کوره، افغانستان اهالیسی تینچلیک پروسهسیگه تعهدلی دیر و طالبان گروهی قبول قیلینگن بیر پروسهده اهالی بیلن صحبتلشی کیرهک.
عین حالده، جناب عبدالله سیلاولر پروسهسیده دولت ایشلاوچیلری نینگ طرفسیزلیگی اوستیگه اورغولب، سیلاوی کمیسیونلردن طرفسیزلیک بیلن تنیق بیر سیلاو بولیب اوتیشی اوچون برچه امکانیتلردن قوللنیب و اهالی آوازلرینی سقلشلرینی سورهگن.
شوندهی بیرحالده، جمهورلیک ریاست سیلاوی نامزدلریدن قطاری آواز بیریش مرکزلریده باریب آوازلرینی صندوقلرده تشلهگنلر.
جمهورلیک ریاست سیلاوی نینگ نامزدلریدن بیری رحمتالله نبیل، کابل نینگ شش درک منطقهسیده جایلشگن آواز بیریش مرکزگه باریب آواز بیردی.
عین حالده، جمهورلیک ریاست سیلاوی نینگ نامزدلریدن باشقه بیری محمدحکیم تورسن، کابل شهری نینگ تایمنی منطقهسیده جایلشگن آواز بیریش مرکزگه باریب آواز بیرگن.
شونینگدیک، جمهورلیک ریاست سیلاوی نینگ نامزدی لطیف پدرام، نادریه مکتبی گه باریب آواز بیردی.
جمهورلیک ریاست سیلاوی نینگ بو دوریده 13 نامزد بیر بیراولری بیلن رقابت قیلهدی.
قویاش 1398- ییل جمهورلیک ریاست سیلاویده جمهوررئیس غنی و اجرایی باشلیغی عبدالله عبدالله شامل 18 کیشی اوزینی نامزد قیلگن ایدی، بیراق حنیف اتمر، زلمی رسول، شیدامحمد ابدالی، نورالحق علومی و محمد ابراهیم الکوزی رقابت قیلیشدن وازکیچدی.
شو توغریده:
