پروان ولایتیدن نمایندهلر کینگشی سیلاوینی نامزدی میر رحمان رحمانینینگ ادعا قیلیشیچه، جبلالسراج تومنیده ناتانیش قوراللی کیشیلر اونینگ ریکلاملرینی ییرتیب و کمپاینچیلرینی اولیمگه تهدید قیلگن.
جناب رحمانینینگ ایتیشیچه، اوشبو واقعه عامللری اوچ قوراللی کیشی ایکن و بو قضیه بوگون توشدن آلدین یوز بیرگن. اونینگ کوپهیتیریشیچه، بو موضوع نی امنیتی ادارهلر بیلن شریک قیلگن.
پروان ولایتیده سیلاو شکایتلرینی تینگلش کمیسیونینینگ ولایتی دفترینی تیکشیرووچی و تحلیلچی مسؤولی رحیم ابراهیمینینگ ایتیشیچه، حاضرگچه بو موضوع توغریسیده اولرگه شکایت ییتیشمهگن؛ بیراق بو عمل سیلاوگه قرشیلیک سنلهدی و عامللری تیرگاوگه آلینهدی.
سیلاو کمپاینلری نامزدلر توشونچهلری و برنامهلرینی بیان قیلیشگه فرصت یرهتهدی. مملکت نافذه قانونلری اساسیده، بو کمپاینلر قانون سایهسیده سیلاو قاعدهسی اساسیده، عملگه آشیریلیشی کیرهک.
