فاریاب ولایتیده قطار نامزد وکیللرنینگ ایتیشیچه، امنیتی تهدیدلر باعث، مذکور ولایت 9 تومنیده کمپاین قیله آلمهیدیلر.
نمایندهلر کینگشی سیلاوینینگ نامزدلریدن بیری محمدحسن سرداشنینگ ایتیشیچه، کمپاین قیلیش اوچون فاریاب ولایتینینگ تومنلریگه باره آلمهیدیلر.
فاریاب ولایتینینگ نامزد وکیللریدن باشقه بیری احسانالله قووانچ نینگ ایتیشیچه، امنیتی تهدیدلر و دولت حاکمیتیگه بولگن ساحهلرنینگ محدود بولگنی سبب، سیلاو کمپاینلری جدی قیینچلیکلر بیلن دوچ کیلگن.
سیلاولر ایرکین کمیسیونینینگ فاریاب ولایتیدهگی مسوولی عبدالرحمان فریدنینگ سلاموطندارگه ایتیشیچه، امنیتی تهدیدلر سبب 111 آواز بیریش مرکزدن 29 تهسی باغلهنیب و یالغیز 82 مرکز فعال دیر.
فاریاب پولیس قومندانلیگینینگ سوزلاوچیسی عبدالکریم یورشنینگ مذکور ولایت قطار تومنلریده امنیتی تهدیدلر بولگنینی تصدیقلب ایتیشیچه، بیر حربی عملیات آرقهلی اوشبو قیینچلیکلرنی حل ایتیلیشی ممکن.
فاریاب یشاوچیلریدن کمیده 190 مینگ تهسی نمایندهلر کینگشی سیلاویده اشتراک قیلیش اوچون آتلرینی رویخط که یازدیرگن.
