ننگرهارده «255052» کیشی و 7 شمالی ولایتده «250405» کیشی سیلاوده اشتراک قیلیشگن

اوتگن کون «سه‌شنبه» کیچ قورون سیلاولر ایرکین کمیسیونی آوازبیریش محلی و شونینگدیک افغانستان بویلب سیلاوده اشتراک قیلگن کیشی‌لرنینگ دستلبکی رقمی نی اعلام قیلدی. کمیسیون نینگ رویخطی‌ده مرکزلر، آچیق مرکزلر، آوزبیریلگن مرکزلر، محللر و آچیق محللر سانی و شونینگدیک اشتراکچی‌لرنینگ رقمی گزارش بیریلگن.

اوشبو رقم دستلبکی دییلگن، بیراق ننگرهار ولایتی‌ده آوازبیروچیلر سانی کوپ دیر.

کمیسیون گه کوره، ننگرهارده آواز بیروچیلر سانی «2534» محل‌ده «255052» کیشی گه یتیشگن کیم بونده‌ی حالده، 7 شمالی ولایت آوازبیروچیلری نی رقمی ننگرهار آوازبیروچیلری نینگ رقمی گه یتیشمه‌یدی.

شو توغریده:

• زابل ولایتی نینگ بیرتومنیده 3 کیشی آواز بیرگن

• بایومتریک اسکونه‌لری ساخته‌کارلیک‌که یوزده‌یوز توسیق بوله آلمه‌یدی

7 شمالی ولایت سمنگان، سرپل، بلخ، جوزجان، بدخشان، فاریاب و کندز ده آواز بیروچیلر سانی «250405» کیشی گه یتیشه‌دی کیم بو رقم ننگرهار آواز بیروچیلریدن 4647 کیشی کم دیر.

عین حالده، سیلاولر ایرکین کمیسیونی بو رقم نی دستلبکی دیگن، بیراق قطار یشاوچیلر و اجتماعی ترماقلر فعاللری نینگ ایتیشیچه، ننگرهار آوازبیروچیلری نینگ رقمی شمالی ولایت‌لرگه قره‌گنده «عجیب» کورینه‌دی.