افغانستان بوییچه سیلاو تیملری، سیلاو کمپاینلری باشلنگنیدن بویان بیر-بیراوی نینگ آگاهلنتیریب کیلیشگن و سیلاو کمپاینلری جریانیده لفظی هجوملردن ایری ایریم پیتلر بیر-بیراوی گه تهمت باغلشگن.
سیلاو یولگه قوییلگنیدن سونگ بولگن قیینچیلیکلر و سیلاونینگ دستلبکی نتیجهسی تعیین ایتیلگن زمانیده اعلان ایتیلمهگنی ینهده رقیب تیملرنینگ هجوملری گه زمینه یرهتگن.
سیلاودن نظارت قیلووچی ادارهلر و سیاستچیلردن بیرقطاری نینگ ایتیشیچه، بوندهی بیر حساس شرایطده سیلاو تیملری بیر-بیراوی نینگ آگاهلنتیریشی مملکت نی سیاسی ثباتسیزلیککه تارتهدی و ملی و دموکراتیک جریانلرگه نسبتن یشاوچیلرنینگ ایشانچینی کمهیتیرهدی.
افغانستان بوییچه ایرکین و عدالتلی سیلاو بنیادی یا-ده فیفا باشلیغی یوسف رشیدنینگ ایتیشیچه، سیلاو تیملری تامانیدن بیر-بیراوی گه آتیلهدیگن سوزلر و آگاهلنتیریشلر خواطرلی دیر و بو وضعیت دوامی مملکتده سیاسی ثباتسیزلیککه سبب بولهدی.
اونینگ ایتیشیچه، سیلاو تیملری وضعیت نی جنجللی قیلمهی و سیلاو مسئلهلری قانون اساسیده و مسؤول ادارهلر تامانیدن حل ایتیلشی کیرهک.
افغانستان بوییچه شفاف سیلاو بنیادی یا-ده تیفا سوزلاوچیسی زبیر حبیبزاده نینگ ایتیشیچه، سیلاو کمیسیونلری ایرکینلیکلرینی سقلب و سیلاو تیملری نینگ جنجللری کمیسیونلرنینگ قراری اوستیگه تأثیر قویمهسی لازم.
جناب حبیبزاده نینگ ایتیشیچه، سیلاو تیملری نینگ آگاهلنتیریشلری سیلاو کمیسیونلری نینگ ایشلری اوستیگه تأثیر قویگن صورتده، سیلاو جریانی قیینچیلیککه دوچ کیلیب و سیلاو نتیجهسی رقیب تیملر اوچون قبول قیلینمس بولهدی.
سیاسی ایش بیلرمان بسمالله رنجبرنینگ ایتیشیچه، بو آگاهلنتیریشلر نهفقط سیلاو نتیجهسی شفافلنتیریلیشی گه یاردم بیرمهیدی، بلکیم مملکت نی کوپلب ثباتسیزلیککه تارتیب و سیلاو جریانی بیلن دموکراسی گه نسبتن یشاوچیلرنینگ ایشانچینی نابود قیلهدی.
دولت قورووچی سیلاو تیم سوزلاوچیسی جاوید فیصل نینگ ایتیشیچه، یالغیز سیاستچیلر سیاسی ثباتنی کوچهیتیرهدی و کیمسه دموکراسی و قانون نی تهدید قیله آلمهیدی، چونکه خلق آگاهلنیب و خوفسیزلیک کوچلری کوچهیگن.
عین دمده، اوتگن کون جمهور رئیس بیرینچی اورین باسری و برقرارلیک و یقینلیک سیلاو تیمی نینگ ییریک اعضاسی جنرال عبدالرشید دوستم، مملکت سیاستچیلریدن بیرقطاری بیلن اوتکزگن ییغینده، آوازلرنینگ قیته سنهش جریانی نی خوفسیزلیگی تأمین لنیشی خصوصیده، قطار ولایتلرده تانکلر جایلشتیریلگنیدن خواطر بیلدیریب ایتیشیچه، جناب غنی ایشلری نینگ کیلهجگینی توشونیشی کیرهک.
جمهور رئیس بیرینچی اورین باسری جناب دوستم سیلاو جریانی توغریسیده دولت قورووچی سیلاو تیمی نینگ حرکتیدن خواطر بیلدیریب ایتیشیچه، اشرف غنی بیرلیک و بیردملیککه ماس کیلمهگن سیاستلرنی قولگه آلگن.
شو توغریده…
سیاسی باسیملر و مدیریتسیزلیک سیلاو نتیجهسی اعلان ایتیلیشیگه توسیق بولگن
