سیلاو ایرکین کمیسیون مسؤوللری نینگ ایتیشیچه، 6- میزان جمهورلیک ریاست سیلاویده یوز بیرگن ساختهکارلیکلرنی اصلی عاملی نامزدلر تانیلگن.
بوگون «جمعه، 22- قوس» سیلاو شکایتلرینی تینگلش کمیسیونی، سیلاو جنجللری حل ایتیلیشی اوچون سیلاو تیملری نینگ نامزدلری و مدنی ادارهلر اشتراکیده سیلاو ایرکین کمیسیونی بیلن اویغونلیکده مصلحتی بیر ییغین اوتکزدی.
سیلاو ایرکین کمیسیون اعضاسی اورنگزیب نینگ ایتیشیچه، سیلاو ایشلاوچیلریدن کمیده 13 مینگ کیشی سیلاو ساختهکارلیکلر و بوزمهکارلیکلری باعث، سیلاو شکایتلرینی تینگلش کمیسیونی گه تانیشتیریلگن.
اونینگ کوپهیتیریشیچه، سیلاو ایرکین کمیسیونی نینگ تیکشیروولری و تحلیلی اساسیده، ساختهکارلیک عامللری تانیلگن.
اونگه کوره، ساختهکارلیک نینگ بیرینچی فکتوری نامزدنینگ اوزی دیر و نامزدلر سیلاو ایرکین کمیسیونی نینگ ایشلاوچیسینی بیر نامزدنینگ نفعی یا-ده ضرری گه ایش قیلیشی توغریسیده تهدید یا-ده آلقیشلگن.
شونینگدیک، اونینگ کوپهیتیریشیچه، ایکینچی عامل سیلاو ایرکین کمیسیونی نینگ ایشلاوچیسی بولگن و ایشلاوچیسی بیر نامزدنینگ نفعی یا-ده ضرری گه ساختهکارلیک قیلگن.
عین دمده، سیلاو شکایتلرینی تینگلش کمیسیون باشلیغی زهره بیان شینواری، سیلاونینگ دستلبکی نتیجهسی تیزلیککه اعلان ایتیلمهگنیدن خواطر بیلدیریب و سیلاو ایرکین کمیسیونی دن تیزلیککه سیلاو قیینچیلیکلرینی حل قیلیب و دستلبکی نتیجه اعلان ایتیلیشینی سورهگن.
سیلاو ایرکین کمیسیون باشلیغی حوا علم نورستانی نینگ ایتیشیچه، حاضرگهقدر 700 مینگ آوازنی بیکار اعلان قیلگن.
خانم نورستانی، ینه بیر بار مملکت نینگ 7 ولایتیده آوازلر قیته سنهلیشی گه توسیق بولگن سیلاو تیملریدن آوازلر قیته سنهلیشی توغریسیده کمیسیون گه رخصت بیریشلرینی سورهدی.
عین حالده، برقرارلیک و یقینلیک سیلاو تیمی نینگ ایکینچی اورین باسری اسدالله سعادتی، سیلاو ایرکین کمیسیونی دن آواز بیریش زمانیدن تشقری فایدهلنگن 102 مینگ آوازنی بیکار اعلان قیلیب و 137 مینگ بایومتریکسیز آوازنی قیته سنهش گه یوباریشینی طلب قیلدی. اونینگ اورغولشیچه، هیچ قچان ساخته نتیجهنی قبول قیلمهیدیلر.
محمداشرف غنی رهبرلیگیده بولگن دولت قورووچی تیم باشلیغی عمر داوودزی نینگ ایتیشیچه، سیلاو ایرکین کمیسیونی دستلبکی نتیجهنی اعلان قیلیشده تیارگرلیک آلگن، بیراق سیلاو نتیجهسی اعلان ایتیلیشی برابریده سیاسی توسیق موجود.
جناب داوودزی، سیلاو کمیسیونلریدن ایشلریگه دوام بیریب و تیزلیککه سیلاو نتیجهسی نینگ اعلان قیلیشلرینی طلب قیلدی.
عین حالده، سیلاو ایرکین کمیسیونی نینگ مسؤوللری، 300 مینگ جنجللی آوازدن مدافعه قیلیب ایتیشلریچه، بو آوازلر اعتبارلی دیر.
شونینگدیک، اوتگن هفته سیلاو ایرکین کمیسیونی سیلاو جنجللرینی حل قیلیش اوچون جمهورلیک ریاست سیلاوی نینگ نامزدلری، سیاسی حزبلر و سیلاودن نظارت قیلووچی ادارهلر بیلن معلوماتی ییغین اوتکزگن ایدی، لیکن ییغین نتیجهسیز یکونلندی.
شو توغریده…
فیفا: سیلاو شکایتلرینی تینگلش کمیسیونی قانونی صلاحیتلریدن فایدهلنمهیدی
