افغانستان بوییچه جمهورلیک ریاست نامزدلری نینگ نظارتچیلریدن بیرقطاری و نظارتچی ادارهلر، درمالوگ شرکتی تامانیدن آوازلرنی تازهلش جریانی توختهتیلگنیدن خواطر بیلدیریب ایتیشیچه، آوازلرنی تازهلش نتیجهسی مشخص زمانده سیلاو ایرکین کمیسیونی بیلن شریک قیلینمهگن صورتده، سلبی نتیجه بیریشی ممکن.
افغانستان بوییچه شفاف و عدالتلی سیلاو بنیادی یا-ده فیفا اجراییه باشلیغی یوسف رشیدنینگ ایتیشیچه، آوازلرنی تازهلش جریانی توختهتیلیشی و درمالوگ شرکتی نینگ سوزسیزلیگی سیلاو ایشانچی و بو جریاندن چیققن نتیجه اوستیگه سلبی تأثیر قویهدی.
جناب رشیدگه کوره، درمالوگ شرکتی بوگون یکونلنگونگهقدر آوازلرنی تازهلش جریانینی سیلاو ایرکین کمیسیونی بیلن شریک قیلمهگن صورتده، باشکینت و ولایتلرنینگ مرکزلریده آوازلرنی قیته سنهش جریانی و سیلاو شکایتلرینی تینگلش کمیسیونی نینگ قراری تیکشیریلیشی قیینچیلیککه روپهره بولهدی.
شونینگدیک، جمهورلیک ریاست سیلاو نامزدلری نینگ نظارتچیلریدن بیرقطاری، درمالوگ شرکتی تامانیدن آوازلرنی تازهلش جریانی توختهتیلیشیدن خواطر بیلدیریب ایتیشیچه، آوازلرنی تازهلش نتیجهسی مشخص زمانده سیلاو ایرکین کمیسیونی بیلن شریک قیلینمهگن صورتده، سلبی نتیجه بیریشی ممکن.
عین حالده، سیلاو ایرکین کمیسیونی نینگ اعضاسی مولانامحمد عبدالله نینگ ایتیشیچه، درمالوگ شرکتی تامانیدن آوازلرنی تازهلش جریانی توختهتیلیشی سیلاو کمیسیونی نینگ ایشینی اوستیگه سلبی تأثیر قویهدی. اونگه کوره، بوگون یکونلنگونگهقدر درمالوگ شرکتی آوازلرنینگ تازهلش نتیجهسینی سیلاو کمیسیونی بیلن شریک قیلگن صورتده، اوشبو کمیسیون نینگ ایشینی دوامی یخشی بیر شکلده ایلگری کیتهدی.
درمالوگ شرکتی اوچ کون ایش قیلگنیدن سونگ، آوازلرنینگ تازهلش نتیجهسینی جاری هفته شنبه کونی سیلاو ایرکین کمیسیونی بیلن شریک قیلیش گه قرار قیلگن ایدی، بیراق مذکور شرکت نینگ قراریدن اوچ کون اوتیب حاضرگهقدر آوازلرنینگ تازهلش نتیجهسیدن هیچ بیر خبر یوق دیر.
